අප රටේ යම් කොටසක් රටේ ජනතාවගේ දුක් ගිනි නිවන යුගය ජනතා විමුක්ති පෙරමුණේ ජනාධිපතිවරයාගෙන් ලැබෙයි කියා සිතුවත් මේ රජය ජනතා දුක් ගිනිනිවනවා වෙනුවට ජනතාවගේ ජන ජීවිතය තුළ නවතම දුක් ගින්නක් ඇති කර ඇති බවත් නැවත වරක් රටේ අත්යාවශ්ය ආහාරවල මිල ඉහළ ගොස් ඇති බවත් ජනතාවගේ ආදායම් මාර්ග කුඩා වී රජයේ දුර්වලතාව තුළ වියදම් වැඩි වී ඇති බවත් සජිත් ප්රේමදාස මහතා පැවසීය.Sri Lanka Latest News
ජනතාව තුන් වේල කන්නේ අමාරුවෙන් වුවත් අද වන විට පොල් පෝලිමක් පවා නිර්මාණය වී ඇති බවත් ජනතාව මෙය අපේක්ෂා නොකළ බවත් ජනතාවගේ දුක්ගිනි වැඩිකරන මේ යුගය අවසන් කර සමගි ජන බලවේග ආණ්ඩුවක් බිහි කිරීමට එක්වන ලෙසත් ඒ තුළින් අයි එම් එෆ් ගිවිසුම වෙනස් කර අත මිට සරු කරන යුගය බිහිකිරීමට එක්වන ලෙසත් සමගි ජන බලවේගයේ සහ සමගි ජන සන්ධානයේ නායක සජිත් ප්රේමදාස මහතා පැවසීය.
සමගි ජන බලවේගයේ සහ සමගි ජන සන්ධානයේ නායක සජිත් ප්රේමදාස මහතා මේ බව කියා සිටියේ මැද කොළඹ ආසනයේ පැවැති ජන හමුවකට එක්වෙමිනි.
ගෑස් ටැංකියෙන් ඉදිරිපත් වු අපේක්ෂකයා මහමැතිවරණය ලැයිස්තුවේ හෝ ජාතික ලැයිස්තුවේවත් නොමැත බවත් ඔහුට ජන්දය දුන් ජනතාව අනාථ වී ඇති නිසා ඒ අයට සමගි ජන බලවේගය සමග අත්වැල් බැද ගන්නා ලෙස ඉල්ලා සිටින බවත් හෙතෙම අවධාරණය කළේය.
ජනතව ප්රජාතන්ත්රවාදය සුරක්ෂිත වන ජීවත් වන අයිතිය රැකගන්නා යුගක් අපේක්ෂා කරන බවත් වේල් තුන කා සිටිය හැකි ශක්තිමත් ජන ජීවිතයක් අපේක්ෂා කළත් ඒ බලාපොරොත්තු සුන් වී ඇති බවත් පැවසු සජිත් ප්රේමදාස කියා සිටියේ ජනතා අපේක්ෂා මල්ඵල ගැන්විය හැක්කේ සමගි ජන බලවේගයට බවයි.
