රනිල් වික්රමසිංහ මහතා ඇතුලු එජාප කණ්ඩායම සජබය තුළට නොගතහොත් සජබ ප්රබලයන් තිදෙනකු පක්ෂයෙන් ඉවත් වීමට සූදානමින් සිටින බවට පළවන වාර්තා සම්පූර්ණයෙන්ම අසත්යයක් බව වාර්තා වේ. Sri Lanka Latest News
මේ වනවිට යම් කණ්ඩායමක් විවිධ වෙබ් අඩවි හරහා විශේෂ පුවතක් පළ කරමින් රනිල් වික්රමසිංහ මහතා ඇතුලු එජාප කණ්ඩායම එකතු කරගතහොත් මහමැතිවරණයේදී සජබයට ජයග්රහණය කළ හැති බවත්, ඒ සදහා සජබයේ ජ්යෙෂ්ඨයන් කිහිප දෙනකු විශේෂ උත්සාහයක් දරමින් සිටින බවත්, එය අසාර්ථක වුවහොත් එම සජබ ජ්යෙෂ්ඨයන් පක්ෂයෙන් ඉවත් වීමේ සූදානමක සිටින බවත් වාර්තා කොට තිබිණ.
නමුත් අප වෙත ඇති තොරතුරුවලින් කියවෙන්නේ මෙම පුවත සම්පූර්ණයෙන්ම අසත්යයක් බවකි.
එමෙන්ම අප වෙත ආණ්ඩුව පැත්තෙන් ලැබෙන තොරතුරුවලින්ද කියවෙන්නේ වික්රමසිංහ මහතා හට බැදුම්කර වංචාව ඇතුළු පසුගිය වසර 2ක ආණ්ඩු කාලයේ සිදුව ඇති මහාපරිමාණ වංචා දූෂණ සම්බන්ධයෙන් අධිකරණ ක්රියාමාර්ගයන්ට යොමුවීමට තීරණය කර ඇති බවකි.
ඒ අනුව අදාළ නීතිමය තත්ත්වයන්ගෙන් මිදීමට ආවරණයක් ලබා ගැනීම සදහා වික්රමසිංහ මහතා ඇතුලු එජාප කණ්ඩායම සජබය සමග එක්වීම සදහා සාකච්ඡා ආරම්භ කොට ඇති තිබිණ.
නමුත් ඊයේ සහ පෙරේදා දින පැවැති සජබ ආසන සංවිධායකවරුන්ගේ රැස්වීමේදීත්, සජබ කළමනාකරණ කමිටුවේදීත් ගත් ඒකමතික තීන්දුවකින් කියවුණේ එජාපය සමග සාකච්ඡා ආරම්භ කිරීමට නම් පළමුව වික්රමසිංහ මහතා පක්ෂ නායකත්වයෙන් ඉවත් විය යුතු යැයි කියාය.
නමුත් වික්රමසිංහ මහතා එජාප නායකත්වයෙන් ඉවත්වීමට අකැමැත්ත ප්රකාශ කිරීමත් සමග එම සාකච්ඡා අසාර්ථක වී ඇති පසුබිමක යම් පිරිසක් විසින් එජාපය හා සජබය එකතු නොවන්නේ නම් සජබ ආර්ථික පැත්තට බර ප්රබලයන් තිදෙනකු සජබයෙන් ඉවත් වීමට තීන්දු කොට ඇති බවට වූ පුවතක් වෙබ් අඩවි කිහිපයක පළ කිරීමට පියවර ගෙන තිබිණ.
මෙම පුවත පළ කොට තිබුණේ සජබයෙන් මන්ත්රීවරු 20ක් ආණ්ඩුවට එනවා… සජබයෙන් මන්ත්රීවරු 40ක් ආණ්ඩුවට එනවා යැයි කියමින් පසුගිය කාලයේ වරින් වර අසත්ය පුවත් පළ කළ වෙබ් අඩවිමය.
මෙම වෙබ් අඩවි විසින් පළ කළ අසත්ය පුවත් සියල්ලම අප එක්රැස් කරගෙන සිටින අතර ඒවා ඉදිරියේදී රටේ ජනතාවගේ දැනගැනීම පිණිස රටට ඉදිරිපත් කිරීමටද අප සූදානම්ය.
