මෙම වසරේ ජනවාරි සිට අගෝස්තු 30 දක්වා කාලය තුළ රජය භාණ්ඩාගාර බිල්පත් සහ බැඳුම්කර තුළින් රුපියල් බිලියන 6,515ක පමණ ණය ලබාගෙන තිබේ. (Sri Lanka Latest News)
ජනවාරි මාසයේ රුපියල් බිලියන 878ක්ද, පෙබරවාරි මාසයේ බිලියන 641ක්ද, මාර්තු මාසයේ බිලියන 843ක්ද සහ අප්රේල් මාසයේ බිලියන 720ක පමණ දේශීය වෙළෙඳපළ තුළින් ණය ලබාගෙන ඇති බව මහබැංකු වාර්තාවලින් හෙළිකර ඇත.
මෙම වසරේ මැයි මාසයේදී රුපියල් බිලියන 813ක් පමණ දේශීය වෙළෙඳපළෙන් ණය ලබාගෙන ඇති අතර, ජුනි මාසයේදී රුපියල් බිලියන 1,196ක පමණ ණය ලබාගෙන ඇති බවද පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අධ්යයන අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පැවැසීය.
තවද ජූලි මාසයේ රුපියල් බිලියන 608ක් සහ අගෝස්තු මාසයේ රුපියල් බිලියන 814ක පමණ ණය ලබාගෙන ඇති බව හෙළිවේ.
මේ අනුව, සලකා බලන විට මෙම වසර තුළදී මාසයකට සාමාන්යයෙන් දේශීය භාණ්ඩාගාර බිල්පත් සහ බැඳුම්කර තුළින් ලබාගෙන ඇති ණය ප්රමාණය රුපියල් බිලියන 815කට ආසන්න ප්රමාණයකි.
මෙසේ ලබාගන්නා ණයවලින් සැලකිය යුතු ප්රමාණයක් කල් පිරෙන ණය ගෙවීම සඳහා රජය භාවිත කරනු ලබයි.
කෙසේ වුවද රටේ දේශීය ණය ප්රමාණය පහළ දමාගැනීමට මෙලෙස දේශීය වෙළෙඳපළ තුළින් ලබාගන්නා ණය ප්රමාණය ක්රමයෙන් පහත දැමීමේ අවශ්යතාව පවතින බවයි මහාචාර්යවරයා පෙන්වා දෙන්නේ.
ප්රේමලාල් විජේරත්න
