හිටපු පාර්ලිමේන්තු මන්ත්රී උද්දික ප්රේමරත්නගේ මෝටර් රථයට වෙඩි තැබීමේ සිද්ධියේ සැකකරුවෙකු ලෙස නම් කර සිටින හිටපු සහකාර පොලිස් අධිකාරි සංජීව මහානාම සම්බන්ධයෙන් මුදල් විශුද්ධිකරණය වැලැක්වීමේ පනත යටතේ පුළුල් විමර්ශනයක් ආරම්භ කළ බව අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන කොට්ඨාසය අනුරාධපුරය ප්රධාන මහේස්ත්රාත් නාලක සංජීව ජයසූරිය ඉදිරියේ කරුණු දක්වා තිබෙනවා. (Sri Lanka Latest News)
සැකකරු මත්ද්රව්ය ජාවාරම්වලින් අයථා අන්දමින් මුදල් ඉපැයීමට සම්බන්ධ වූ බවත්, එම ඉපැයීම් වලින් ලබාගත් මුදල් විවිධ ක්රම ඔස්සේ ලබාගෙන වෙනත් පුද්ගලයින්ගේ නමින් රැස්කර ඇති බවයි අපරාධ පරීක්ෂණ දෙපාර්තමේන්තුව, අධිකරණය හමුවේ සඳහන් කර තිබුණේ.
අනුරාධපුර ප්රදේශයේ මත්ද්රව්ය ජාවාරම්කරුකෙු වන ධර්ම ශ්රී පුෂ්ප කුමාර සහ ලංකා උමා පතිරණ නොහොත් ”කුඩු මැණිකේ” නැමැති පුද්ගලයින්ගෙන් ලද පැමිණිල්ලකට අනුව මෙම විමර්ශන ආරම්භ කර තිබෙනවා.
එමෙන්ම පැමිණිලිකාර සැකකරුවන්ගේ හා සංජීව මහානාම යන අයගේ පෙර වැරදි සම්බන්ධයෙන් අල්ලස් කොමිසම, වංචාව විමර්ශන ඒකකය, සුරා බදු ඒකකය, රේගුව, මත්ද්රව්ය විමර්ශන කාර්යාංශයේ, අපරාධ කොට්ඨාසය ඇතුළු රජයේ නීතිය ක්රියාත්මක කරන ආයතන එකොළහකින් වාර්තා කැඳවා ඇති බවයි අපරාධ පරීක්ෂණ දෙපාර්තමේන්තුව, අධිකරණය හමුවේ කරුණු දක්වා තිබුණේ.
ඊයේ (05) හෝකන්දර ප්රදේශයේදී අත්අඩංගුවට ගත් මෙම සැකකරු අද අනුරාධපුර මහේස්ත්රාත් අධිකරණය හමුවට ඉදිරිපත් කිරීමට නියමිතයි.
hirunews
