අයවැය පරතරය, රාජ්ය වියදම සේම දූෂණය ද දළ දේශීය නිෂ්පාදිතයේ ඉහළ ප්රතිශතයක ඇති බවට විශ්වාස කරන බවත් හොරා කාපු ප්රාග්ධනය, සල්ලි සම්බන්ධයෙන් පසුගිය දා පැන්ඩෝරා පත්රිකා හරහා විවිධ කරුණු කාරණා හෙළිදරව් වූ බැවින් එම හොරු අල්ලන නිවැරදි ක්රමවේදයක් සමගි ජන බලවේග රජයක් තුළ ක්රියාත්මක කරන බවත් විපක්ෂ නායකවරයා පැවසීය.Sri Lanka Latest News
හොරු ඇල්ලීම දේශපාලනඥයන්ගේ වගකීම නොවුවත් හොරු ඇල්ලිය හැකි ස්වාධින නීති පද්ධතියක් සහ ඊට අනුරූපි ස්වාධින ආයතන පද්ධතියක් ආණ්ඩුක්රම ව්යවස්ථාවේ මූලික අයිතිවාසිකම් මෙන් වෙනස් කළ නොහැකි පරිච්ඡේදයක් හරහා ස්ථාපිත කොට ඒ සඳහා අවශ්ය නෛතික පහසුකම් ස්ථාපිත කිරීම දේශපාලනඥයාගේ වගකීම බවත් එවිට දේශපාලන ඇගිලි ගැසීම්වලින් තොරව අදාළ හොරු ඇල්ලීමේ යන්ත්රණ ක්රියාත්මක කළ හැකි බවත් සමගි ජන බලවේග රජයක් තුළ එවැනි ශක්ති සම්පන්ත නෛතික ප්රතිපාදන ඇති කරන බවත් විපක්ෂ නායකවරයා පැවසීය.
එසේ ම 2015 රජය පවා හොරු අල්ලනවා කියා පත් වුවත් ඔවුන් හොරු රැක්ක බවත් එවැනි හොරුන් සමඟ ඩීල් ගැසුවා නම් තමාට ද තනතුරු තාන්න මාන්න ලබා ගත හැකි වුවත් හොරුන් සමඟ කටයුතු කිරීමට අකැමැති නිසා ඒ සියල්ල අතහැරි බවත් රටක් පාලනය කළ යුත්තේ සංසුන් මනසකින් බවත් ආවේගශීලීත්වය තුළ රටවල් පාලනය කළ නොහැකි බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ (11) ගම්පහ වත්තල පැවැති සමගි ජන බලවේගයේ ආර්ථික ප්රතිපත්ති පිළිබඳ ජනතාව දැනුවත් කිරීමේ බ්ලූ ප්රින්ට් වැඩසටහනට එක්වෙමිනි.
