පසුගිය කාලය පුරාම එක්සත් ජාතික පක්ෂයෙන් අම්පාර දිස්ත්රික්කයට තරග කළ දයා ගමගේ මහතා මෙවර කොළඹ දිස්ත්රික්කයෙන් තරග වැදීමට තීන්දු කිරීමත් සමග අම්පාරේ එජාප සංවිධායකවරුන් පාක්ෂිකයන් සමග එක්වී රතිඤ්ඤා දල්වමින් ප්රීතිය පළ කොට ඇති බව දැනගන්නට තිබේ.
එජාපයට ආණ්ඩු බලය පැවැති පසුගිය කාලය පුරාම දයා ගමගේ මහතා ගමේ පාක්ෂිකයන් පිළිබද කිසිදු සොයාබැලීමක් නොකොට සිය ව්යාපාරික කටයුතු සම්බන්ධයෙන් පමණක් අවධානය යොමු කර තිබීම මෙසේ රතිඤ්ඤා පත්තු කිරීමට හේතු වී ඇති බව පැවසේ.
එමෙන්ම සිය බිරිය ජාතික ලයිස්තුවෙන් පාර්ලිමේන්තුවට යවා පසුගිය කාලය පුරාම වෙනත් කිසිදු පුද්ගලයෙකුට අම්පාරෙන් ඉදිරියට ඒමට තිබූ අවස්ථාව වළකාලීම සම්බන්ධයෙන් එජාප ආසන සංවිධායකවරුන් අතරේද දැඩි විරෝධයක් පසුගිය කාලය පුරාම දයා ගමගේ මහතා කෙරෙහි එල්ල වී තිබිණ.
ඒ අනුව ඔවුන් පෙන්වා දෙන්නේ මෙවර දයා ගමගේ මහතා අම්පාෙරෙන් තරග වැදුණේ නම් නිශ්චිත වශයෙන්ම පරාජය කිරීමට තමන් සූදානමින් සිටි බවත්, එය දැනගෙන සිටි ගමගේ මහතා කාටත් නොකියාම අම්පාරෙන් කොළඹට පැන ගොස් ඇති බවත්ය.
