ගුරු උපදේශකවරු මුහුණ දෙන ගැටලු රැසක් අධ්යාපන අමාත්යවරයා හමුවට ඉදිරිපත් කිරීමට සමස්ත ලංකා ගුරු උපදේශකවරුන්ගේ සංගමයට පසුගියදා හැකි විය. ඒ විපක්ෂ නායක සජිත් ප්රේමදාස මහතාගේ මැදිහත් වීම හා මූලිකත්වය මත අධ්යාපන අමාත්යවරයාව සෘජුවම හමුවූ අවස්ථාවේදී ය.Sri Lanka Latest News
මීට පෙර සමස්ත ලංකා ගුරු උපදේශවරුන්ගේ සංගමයේ නිලධාරීන් පිරිසක් විපක්ෂ නායක සජිත් ප්රේමදාස මහතා හමුවී තමන් ඇතුළු දිවයින පුරා විසිරී සිටින ගුරු උපදේශකවරුන් මුහුණ දෙන ගැටලු රැසක් සම්බන්ධයෙන් දැනුවත් කරන ලදී.
එහි දී වැටුප් විෂමතා ගැටලුව ඇතුළු සිය වෘත්තිය කර ගෙන යාමේදී මතුවූ තවත් ගැටලු රැසක් මෙහි දී විපක්ෂ නායකවරයා හමුවට ඉදිරිපත් කළේය. එහි දී විපක්ෂ නායක සජිත් ප්රේමදාස මහතා පොරොන්දු වි සිටියේ එම ගැටලු පාර්ලිමේන්තුව හමුවට ඉදිරිපත් කර අධ්යාපන අමාත්යවරයාගේ සෘජු අවධානයට ලක් කරන බවයි. ඒ අනුව පාර්ලිමේන්තුව අමතමින් විපක්ෂ නායක සජිත් ප්රේමදාස මහතා එම ගැටලු පාර්ලිමේන්තුවේ මන්ත්රීවරුන් දැනුවත් කරන ලදී.
මෙම ප්රශ්න විසදාලීම සම්බන්ධයෙන් එම ගුරු උපදේශකවරුන් පසුගිය දිනවල විපක්ෂනායකවරයාට සිය ස්තූතිය පළ කිරීමටද පියවර ගෙන තිබිණ.
මේ ආකාරයට විපක්ෂනායකවරයා විවිධ ක්ෂේත්රවල ජනතාවගේ ප්රශ්න 27/2 වගන්තිය යටතේ ආණ්ඩුවේ අවධානය යොමු කරද්දී ආණ්ඩුවේ ඇතැම් මන්ත්රීවරුන් එය හාස්යයට ලක් කළ ආකාරයක් පසුගිය කාලයේදී දැකගන්නට ලැබිණ.
එය කරදරයක් බවත්, විපක්ෂනායකවරයා පාර්ලිමේන්තුවේ කාලය කා දමන බවක් කියමින් පොහොට්ටුවේ මන්ත්රීවරු ජනාධිපතිවරයාට පැමිණිලි කිරීමට පවා පියවර ගෙන තිබිණ.
කෙසේවෙතත් ඒ කිසිවකටත් විපක්ෂනායකවරයා ජනතා ප්රශ්න පාර්ලිමේන්තුවේ කතා කරන වැඩපිළිවෙළ නවතාලන්නට හැකිවූයේ නැත.
