සැප්තැම්බර් මාසයේ ගතවූ දින 10ක කාලය තුළ පමණක් ඩෙංගු රෝගීන් 900කට ආසන්න පිරිසක් හඳුනාගෙන ඇති බව ජාතික ඩෙංගු මර්දන ඒකකය මාධ්ය හමුවක් අමතමින් කියා සිටියේය. (Sri Lanka Latest News)
ඩෙංගු රෝගීන් වාර්තා වීමේ සැලකිය යුතු අඩුවීමක් දක්නට ලැබුණ ද පවතින වැසි තත්ත්වයත් සමග යළිත් මදුරු ගහනයේ වැඩිවීමක් අපේක්ෂා කළ හැකි බව එහි අධ්යක්ෂ විශේෂඥ වෛද්ය නලින් ආරියරත්න කියා සිටියේය.
පසුගිය මාසයේ රෝගීන් 5,000ක්ද, මේ මාසයේ දින 10ක වැනි කාලයකදී රෝගීන් 900කට ආසන්න ප්රමාණයකුත් වාර්තා වී ඇති බවත්, බස්නාහිර පළාතෙන් සමස්ත රෝගීන්ගෙන් 50%කට ආසන්න ප්රමාණයක් වාර්තා වන බවත් අධ්යක්ෂවරයා කියා සිටියේය.
කෙසේ වෙතත් පසුගිය වකවානුවට සාපේක්ෂව පසුගිය මාසයත් මේ මාසයත් දත්ත අනුව රෝගීන්ගේ සැලකිය යුතු අඩුවක් දක්නට ලැබෙන බවත්, දෛනික රෝගීන්ගේ වාර්තා වීම ඉහළ මට්ටමක සිට පහළ මට්ටමකට පැමිණ ඇති බවත් ඔහු තවදුරටත් කීවේය.
lankasara
