පවතින වියළි කාලගුණ තත්ත්වය හමුවේ උඩවලව සහ යාල වනෝද්යාන සංචාරකයින් සඳහා තාවකාලිකව වසා දැමීමේ සුදානමක් පවතින බව වාර්තා වනවා.
වනජීවී දෙපාර්තමේන්තුවේ ප්රකාශකයෙක් කියා සිටියේ ඒ සම්බන්ධයෙන් අද (07) දිනයේ වනජීවී අමාත්යංශයේ නිලධාරීන් සමඟ සාකච්ඡාවක් පැවැත්වෙන බවයි.
උඩවලව සහ යාල වනෝද්යාන සංචාරකයන් සඳහා තාවකාලිකව වසා දැමීම සම්බන්ධයෙන් එම සාකච්ඡාවේ දී අවසන් තීරණයකට එළඹීමට ද නියමිතයි. කෙසේ නමුත් පවතින වියළි කාලගුණ තත්ත්වය හමුවේ උඩවලව සහ යාල වනෝද්යාන වසා දැමිය යුතු බවට මේ වන විටත් නිර්දේශ ඉදිරිපත් කර ඇති බවද එම වනජීවී දෙපාර්තමේන්තුවේ ප්රකාශකයා වැඩිදුරටත් සඳහන් කළා.
A5 News Sri Lanka










