එක්සත් ජාතික පෙරමුණ නියෝජනය කළ සියලුම පක්ෂ නායකයන් මේ වනවිට නෙළුම් පොකුණ රගහලේ සජිත් ප්රේමදාස මහතාගේ නායකත්වයෙන් බිහිවන ‘සමගි ජන බලවේගෙයේ’ මංගල ගමන සමග එක්ව තිබේ.
ඒ අනුව පාඨලී චම්පික රණවක, රවුෆ් හකීම්, මනෝ ගනේෂන්, රිෂාඩ් බදියුද්දීන්, පලනි දිගම්බරම්, වී. රාධක්රිෂ්ණන්, වඩිවේල් සුරේෂ් යන පක්ෂ නායකයෝ ඊට එක්ව සිටිති.
මීට සූලු මොහොතකට පෙර මෙම පක්ෂ සියල්ලේම මහලේකම්වරු සමගි ජන බලවේගයේ මහලේකම්වරයා වන රංජිත් මද්දුම බණ්ඩාර මහතා සමග ඒකාබද්ධ ගිවිසුමකටද අත්සන් තැබීමට කටයුතු කළහ.
මීට අමතරව මහාසංඝරත්නයද, අනෙකුත් ආගමික නායකයන්ද, එජාප පාර්ලිමේන්තු මන්ත්රීවරුන් අතිබහුතරයක්ද, පළාත් සභා පළාත් පාලන මන්ත්රීවරුන්ද, ආසන සංවිධායකවරුන් විශාල පිරිසක්ද මේ වනවිට එම අවස්ථාවට සහභාගී වී සිටිති.
