තලවකැලේ ග්රේට් වෙස්ටර්න් කදු මුදුණේ තිබි ඊයේ (01) හමු වු අභිරහස් ලෙස මියගොස් සිටි හදුනා නොගත් කාන්තාවකගේ මළ සිරුර සම්බන්ධයෙන් අංශ කිහිපයක් ඔස්සේ විමර්ෂණ ආරම්භ කර ඇති බව තලවකැලේ පොලිසිය පැවසිය. (Sri Lanka Latest News)
ග්රේට් වෙස්ටර්න් කදු මුදුණේ කඳවුරු බැඳීමට ඊයේ දින පැමිණි තරුණ පිරිසක් කදු මුදුණේ කාන්තා මළ සිරුරක් තිබෙන බවට තලවකැලේ පොලිසියට කරන ලද දැනුම් දිමක් මත තලවකැලේ පොලිසිය කදු මුදුණට ගොස් සිරුර සම්බන්ධයෙන් විමර්ෂණයක් ආරම්භ කර ඇත.
කිසියම් පිරිසක් සමග ජිවිතක්ෂයට පත් කාන්තාව ග්රේට් වෙස්ටර්න් කදු වැටිය තරණය කර ඇති බවත්, එහිදි එම කාන්තාව මියයාමෙන් පසු සිරුර කදු මුදණේ තබා එම පිරිස පලායන්නට ඇති බවට සිරුර සම්බන්ධයෙන් පරික්ෂණ පවත්වන තලවකැලේ පොලිසිය සැකකරයි.
ග්රේට් වෙස්ටර්න් මුදුණේ එක් පසක ප්රපාතය ආසන්නයේ මෙම මල සිරුර තිබෙන බවත්, සිරුර සම්බන්ධයෙන් නුවරඑලිය මහෙස්ත්රාත්වරයාගේ ස්ථාන පරික්ෂාවෙන් පසු සිරුර පශ්චාත් මරණ පරික්ෂණය සදහා නුවරඑලිය දිස්ත්රික් මහ රෝහලේ විශේෂඥ අධිකරණ වෛද්යවරයා වෙත යොමු කරන බව තලවකැලේ පොලිසිය පැවසිය.
newscenter
