වත්මන් රජය විසින් දේශීය ණය ප්රතිව්යුහගත කිරීම හරහා වැඩ කරන ජනතාවගේ අර්ථසාධකය කප්පාදු කරමින් වැඩි බදු බරක් දමමින් විශාල අසාධාරණයක් සිදු කළත් පෞද්ගලික බැඳුම්කර හිමියන්ට විශාල ප්රතිලාභ හා ලාභ ලබා දෙමින් වැඩ කරන ජනතාවට අසාධාරණයක් සිදු කරන බවත් මේ කරුණ නිසා දේශීය ණය ප්රතිව්යුහගත කිරීමේ ක්රියාවලියට සමගි ජන බලවේගය විරුද්ධව ඡන්දය ලබා දුන් බවත් අද වගේම හෙටත් අනාගතයේදීත් වැඩ කරන ජනතාවට සිදු කරන මේ අසාධාරණයට විරුද්ධව කටයුතු කරන බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායකවරයා මේ බව කියා සිටියේ (26) ජාතික ඉතිරි කිරීමේ බැංකුවේ සමගි සේවක සංගමයේ නිලධාරීන් හමුවූ අවස්ථාවේ දී ය.
වත්මන් රජය සුපිරි ධනවතුන්ගේ පොහොසතුන්ගේ වුවමනාවන් අපේක්ෂාවන් සංසිඳුවන්න කටයුතු කරන බවත් එය දේශීය ණය ප්රතිව්යූහගත කිරීමේ යෝජනාවෙන් පෙනී යන බවත් එය අයි. එම්. එෆ් යෝජනාවක් නොවන බවත් රජය විසින් තමන්ගේ වුවමනාවක් ලෙස වැඩ කරන ජනතාවගේ බඩට ගසන යෝජනාවක් ලෙස එය ඉදිරිපත් කළ බවත් එය මෙරට වැඩකරන ජනතාවට කරපු දැවැන්ත ද්රෝහීකමක් බවත් විපක්ෂ නායකවරයා තවදුරටත් මෙහි දී පැවසීය.
එහි දී විපක්ෂ නායකවරයා කියා සිටියේ ජාතික ඉතිරි කිරීමේ බැංකුවේ තුළ අඩුපාඩුකම් රැසක් ඇති බවත් ඒ සඳහා එහි කළමනාකාරීත්වය වගකිව යුතු බවත් ය. ජාතික ඉතිරි කිරීමේ බැංකුවේ දේශපාලන පළි ගැනීම් දැඩිව ක්රියාත්මක වන බවත් හරිහැටි මාරුවීම් සිදු නොකරන බවත් මෙහි කළමනාකරුවන් අත්තනෝමතිකව කටයුතු කරන හෙයින් ඒ සම්බන්ධයේන මැති සබයේ දී හඬක් නගන බවත් විපක්ෂ නායකවරයා තවදුරටත් පැවසීය.
සමගි ජන බලවේගය සිටින්නේ මෙරට අධි පෝසතුන් ආරක්ෂා කිරීමට නොව වැඩ කරන ජනතාව ප්රමුඛ ලක්ෂ 220ම ආරක්ෂා කිරීම බවත් සමාජ බෙදීමකින් තොරව රටටමට එක හා සමානව සැලකීම අරමුණ බැවින් මෙරට බැංකු ක්ෂේත්රය ශක්තිමත් කිරීමට බැංකු සේවකයන්ගේ ශ්රමය කැපවීම නිසි පරිදි ඉටු කරන ලෙස ද විපක්ෂ නායකවරයා ඉල්ලා සිටියේය.
