බුදුරජාණන් වහන්සේට හා බුදු දහමට අපහාස වන අයුරින් පසුගියදා ආන්දෝලනාත්මකව ප්රකාශයක් බව කියන දේවගැති ජෙරම් ප්රනාන්දු සිංගප්පූරුව බලා පිටත්ව ගොස් ඇති බව පොලිස් ආරංචි මාර්ග පවසයි.
පෙරේදා අලුයම 1.00 පමණ සිංගප්පුරූ ගුවන් සමාගමට අයත් එස් කිව් 469 දරණ ගුවන් යානයෙන් මෙලෙස පිටත්ව ගොස් ඇති බවද පොලිස් ආරංචි මාර්ග පවසයි.
එම ආරංචි මාර්ග වැඩිදුරටත් සඳහන් කරන්නේ ඔහු පසුගිය 14 වනදා සිය බිරිඳ සහ දියණියන් දෙදෙනා ද සමඟ දිවයිනෙන් පිටව ගොස් ඇති බවය.
බුදු රජාණන් වහන්සේට සහ බුදු දහමට අපහාස වන අයුරින් පසුගියදා මහනුවර ප්රදේශයේ පැවැති සම්මන්ත්රණයක දී මෙම ප්රකාශන සිදුකර ඇති අතර, එම ප්රකාශය සමාජ මාධ්ය ජාලා වල සංසරණය වී තිබුණි.
මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර තිබියදී මෙම දේවගැතිවරයා මෙලෙස සිංගප්පූරුව බලා පිටත්ව ගොස් ඇති බවද පොලිස් ආරංචි මාර්ග පවසයි.
මෙම ප්රකාශය සම්බන්ධයෙන් විමර්ශනයක් සිදුකරන ලෙසට ඉල්ලා ජනාධිපති රනිල් වික්රමසිංහ උපදෙස් පරිදි ජනාධිපතිවරයාගේ කර්ය මණ්ඩල ප්රධානි සාගල රත්නායක මහතා ද ඊයේ (15) මේ සම්බන්ධයෙන් විමර්ශයන් සිදුකරන ලෙසට අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් වී තිබුණි.
එම පැමිණිල්ලට අමතරව දේවගැතිවරයාට එරෙහිව නීතිය ක්රියාක්මක කරන ලෙසට ඉල්ලා අපරාධ පරීක්ෂණ දෙපාර්තමේන්තුව අද (16) වනවිට පැමිණිලි 6 ක් ලැබී ඇති භික්ෂුන් වහන්සේලා ඇතු`ථ විවිධ සංවිධාන වලින් සෙසු පැමිණිළි ඉදිරිපත් වී ඇති බවද අපරාධ පරීක්ෂණ දෙපාර්තමේන්තු එම ආරංචි මාර්ග පවසයි.
