මෙවර පළාත් පාලන මැතිවරණය කල් දැමීමට ආණ්ඩුව උත්සාහ ගන්නා අතර එම ජනතා විරෝධී තැත පරාජය කර ප්රජාතන්ත්රවාදී අයිතිය දිනාගත හැක්කේ මහජන ව්යාපාරයක පුළුල් ක්රියාකාරීත්වය හරහා පමණක් බව පෙරටුගාමී සමාජවාදී පක්ෂය පවසයි.
නුගේගොඩ පක්ෂ කාර්යාලයේ පැවති මාධ්ය හමුවකදී එම පක්ෂයේ අධ්යාපන ලේකම් පුබුදු ජයගොඩ පැවසුවේ විපක්ෂය විසින්ද පවතින ආර්ථික හා දේශපාලන අර්බුදයට ප්රතිපත්තිමය විසඳුමක් ඉදිරිපත් කර නැති බවයි.
අර්බුදයට ව්සඳුම් ඉදිරිපත් නොකර ජයග්රහණය කළ පසුව කරන බවට වන පොරොන්දු ඉතිහාසය පුරා කඩකළ තත්වය යටතේ ජනතාව හිස් චෙක් අත්සන් කර දීමට සූදානම් නැති බවද ඔහු පවසයි.
දේශපාලන පක්ෂවලට සිය ප්රතිපත්ති හා අර්බුදයට පිළිතුරු හෙලිදරව් කිරීම සඳහා බල කළ හැක්කේත් කවුරු බලයට පත් වුවත් එම ප්රතිපත්ති ක්රියාවට නැංවිය හැක්කේත් මහජන ව්යාපාරයක් හරහා පමණක් බව ඔහු පවසයි.
පෙරටුගාමී සමාජවාදී පක්ෂයේ මැතිවරණ ක්රියාවලිය එම මහජන ව්යාපාරය ගොඩ නැගීමේ කටයුත්තත් මැතිවරණ ප්රචාරක ක්රියාවලිය ප්රතිපත්තිමය සංවාදයකට හැරවීමේ කටයුත්තත් ඉලක්ක කරන බවද එහිදී වැඩිදුරටත් ප්රකාශ විය.
වත්මන් ආර්ථික හා දේශපාලන අර්බුදයට විසඳුම පිලිබඳ පෙරටුගාමී සමාජවාදී පක්ෂයේ ප්රතිපත්ති අඩංගු කෘතියක් අලුත් මාවත නමින් කොළඹ පදනම් ආයතන ශ්රවණාගාරයේදී එලිදැක්වීමට නියමිතය. අ
ර්බුදයට විසඳුම ගැන සිය ප්රතිපත්ති හෙලිදරව් කරන ලෙස අනෙක් පක්ෂ වලට බලකරන ලෙසද ඔහු ජනතාවගෙන් ඉල්ලා සිටියේය.
