සෑම ඉන්ධන වර්ගයකම ලීටරයක නිෂ්පාදන බද්ද රුපියල් 25 කින් ඉහළ දැමීමට ආණ්ඩුව පියවර ගැනීම නිසා ඉන්ධන ලීටරයක මිල අවම වශයෙන් රුපියල් 25 කින් ඉහළ යනු ඇතැයි වාර්තා වේ.
ඔක්ටේන් 92 සහ 95 පෙට්රල් ලීටරයක් සඳහා පැවැති රුපියල් 27 ක නිෂ්පාදන බද්ද මෙම නව බදු ඉහළ දැමීමත් සමඟ රුපියල් 52 ක් බවට පත්ව ඇති බවත් වෙනත් පෙට්රල් ලීටරයක් සඳහා පැවැති රුපියල් 27 ක බද්ද රුපියල් 52 ක් දක්වා ද ඉහළ ගොස් ඇති බවත් ඛනිජ තෙල් සංස්ථාවේ උසස් නිලධාරියෙක් පැවසීය.
සාමාන්ය ඩීසල් ලීටරයකට පැවැති රුපියල් 6 ක නිෂ්පාදන බද්ද රුපියල් 31 ක් දක්වා ද, සුපිරි ඩීසල් ලීටරයක් සඳහා පැවැති රුපියල් 13 ක බද්ද රුපියල් 38 ක් දක්වා ද, ඉහළ දමා ඇති බවත් ඊට අමතරව සෙසු සියලුම ඉන්ධන වර්ග සඳහා පැවැති රුපියල් 13 ක නිෂ්පදාන බද්ද රුපියල් 38 ක් දක්වා ද, ඉහළ දමා ඇති බවත් එම නිලධාරියා වැඩි දුරටත් සදඟන් කළේය.
ඛනිජ තෙල් සංස්ථාව සිය ණය අන්තර්ගත නොකළ වාර්තාවක් මගින් ලාබ ලබන බව පෙන්වා සේවකයන් හට මාස 2ක වැටුප් ප්රසාද දීමනා ලෙස ගෙවා ඇත. ඇතැම් නිලධාරීන්ගේ වැටුප ලක්ෂ 5 ඉක්මවන අතර ඔවුන්ගේ ප්රසාද දීමනාව ඒ අනුව මිලියනය ඉක්මවා ගොස් ඇති බව පැවසේ. එහි සේවකයන් 4200ක් සිටින බව පැවසේ.
