පසුගිය දින කිහිපය පුරාම මනුෂ්ය ඝාතන ඇතුළු පාතාල ක්රියාකාරකම් ඉහළ යෑමත් සමග එය මර්දනය කිරීම සඳහා හෙට (27) සිට විශේෂ මෙහෙයුමක් ආරම්භ කිරීමට නියමිතව තිබෙනවා.
මහජන ආරක්ෂක අමාත්ය ටිරාන් අලස් මහතාගේ ප්රධානත්වයෙන් අද පැවැති සාකච්ඡාවකදී එම තීරණය ගෙන ඇති අතර, අදාළ සාකච්ඡාව සඳහා බස්නාහිර සහ දකුණ ජ්යෙෂ්ඨ නියෝජ්ය පොලිස්පතිවරුන්, ත්රස්ත විමර්ශන ඒකකය, අපරාධ පරීක්ෂණ දෙපාර්තමේන්තුව, පොලිස් විශේෂ කාර්ය බළකාය, පොලිස් අපරාධ විමර්ශන කොට්ඨාස සහ අනෙකුත් විමර්ශන අංශ එක්වී ඇත.
