ප්රබල පාතාල කල්ලි නායකයකු වන අංගොඩ ලොක්කා නැමැත්තාගේ සමීපතමයකු බව කියන කඩවත ඉහල බියන්විල ප්රදේශයේ පදිංචි සැකකරුවකු සඟවා ඇති ආයුද තොගයක් පෙන්නිමට ගිය අවස්ථාවේ ගල්වලකින් පහළට වැටී තුවාල ලබා රෝහල් ගත කිරීමෙන් පසු මියගොස් ඇතැයි නවගමුව පොලිසිය කියයි.
පොලිස් විශේෂ කාර්ය බළකාය මගින් අත් අඩංගුවට ගෙන සිදු කළ ප්රශ්න කිරීමේදී ආයුධ තොගයක් කඩුවෙල වැයික්කිවත්තේ සඟවා තිබෙන බවට දුන් තොරතුරක් එම ප්රදේශයට රැගෙන ගොස් ඇත.
ඒ අවස්ථාවේ විශේෂ කාර්ය බළකා නිළධාරීන්ගෙන් මිදී පළා යාමට තැත් කිරීමේදී එම ගල්වලින් පහතට ඇඳ වැටී බරපතල තුවාල ලබා අතුරුගිරිය ඔරුවල ප්රාදේශිය රෝහලට ඇතුළත් කිරීමෙන් පසු මිය ගොස් ඇතැයි නවගමුව පොලිසිය පවසයි.
මිය ගිය සැකකරු පළා යාමට තැත් කිරීමේදී සිදු වූ පොර බැඳීමේදී තුවාල ලැබූ පොලිස් විශේෂ කාර්ය බලකා නිළදාරියකු ද තුවාල ලබා අතුරුගිරිය ප්රාදේශි රෝහලට ඇතුලත් කිරීමෙන් පසු වැඩිදුර ප්රතිකාර සදහා කොළඹ පොලිස් රෝහලට මාරු කර යවා ඇතැයි ද පොලිසිය පවසයි.
අත් අඩංගුවට ගත් සැකකරුට බරපතල චෝදනා 13 ක් ඇතැයි පොලිසිය පවසයි.
මෙසේ මිය ගොස් ඇත්තේ කඩවත ඉහල බියන්විල පදිංචිකරුවකු වන තුවාන් සිරාන් හාර්හාර් නමැති පුද්ගලයෙකි.
