යාපනයේ චුන්නාකම් ප්රදේශයේ තරුණයන් දෙදෙනකුට වධ හිංසා කිරීමේ චෝදනාව මත යාපනය මහාධිකරණයෙන් වසර දහයක සිර දඬුවම් නියම වූ පොලිස් නිලධාරීන් තුන් දෙනකුට අභියාචනාධිකරණයේදී යළිත් එම තීන්දුවම ලබාදී තිබේ.
යාපනය චුන්නාකම් ප්රදේශයේ පදිංචිව සිටි අදාළ තරුණයන් දෙදෙනාට 2017 වසරේදී පොලිස් ස්ථානය තුළදී වධ හිංසා කළ බවට යාපනය මහාධිකරණයේදී විභාග වූ නඩුවකදී වසර දහයක සිර දඬුවමක් එවක යාපනය මහාධිකරණ විනිසුරු එම්. ඉලන්චෙලියන් විසින් ලබාදී තිබිණි.
එම තීන්දුව අභියෝගයට ලක්කරමින් විත්තිකරුවන් විසින් අභියාචනාධිකරණයට ගොනු කරන ලද පෙත්සමක් විභාගයට ගත් අවස්ථාවේදී යාපනය මහාධිකරණයෙන් ලබාදුන් තීන්දුව යළිත් තහවුරු කරමින් එම සිර දඬුවම 2017 ඔක්තෝබර් මාසයේ සිට ක්රියාත්මක වන පරිදි දඬුවම් නියම කොට ඇත.
– lankasara
