රට ගොඩනැගීම සඳහා වූ වැඩසටහනට ඉදිරිපත් කළ පසු අැමෙරිකාව ඇතුළු රටවල් ශ්රී ලංකාවට උපකාර කිරීමට සුදානම් බව අග්රාමාත්ය රනිල් වික්රමසිංහ මහතා පැවසීය.
මාධ්යයට ප්රකාශයක් නිකුත් කරමින් හෙතෙම සඳහන් කළේ අමාත්ය මණ්ඩලයද එකතු කරගනිමින් එම වැඩසටහන සකස් කරගෙන යන බවත්, ඉදිරි සති කිහිපය තුළ එය ඉදිරිපත් කළ හැකි බවයි.
කඩාවැටෙන ආර්ථිකය 2023 වසරේදී ගොඩගෙන, 2024 සහ 2025 වන විට රට යළි ඔසවා තැබීමට නම් විදේශ ආධාර අවශ්ය බව එහිදී වික්රමසිංහ මහතා සඳහන් කළේය.
දැනට රජයේ සංස්ථා සියල්ල පාඩු ලබන බැවින් ඉන් එකක්වත් පවත්වා ගෙන යා නොහැකි තත්ත්වයක පවතින බව කී අගමැතිවරයා, තමන්ගේ වැඩපිළිවෙළට වඩා හොඳ වැඩපිළිවෙලක් කිසිවකුට හෝ ඇත්නම් එය පාර්ලිමේන්තුවට ඉදිරිපත් කළ යුතු බවද සඳහන් කළේය.
සමගි ජන බලවේගය සහ ජනතා විමුක්ති පෙරමුණ ආරම්භ කර ඇති ගෙවතු වගා වැඩසටහන්වලටද ආණ්ඩුව පූර්ණ සහයෝගය ලබාදෙන බවද අග්රාමාත්යවරයා වැඩිදුරටත් ප්රකාශ කළේය.
