මුදල් අමාත්ය බැසිල් රාජපක්ෂ මහතාගේ නායකත්වයෙන් රටේ සියලු දෙනාම බලාපොරොත්තුවෙන් සිටින වෙනස නව පාර්ලිමේන්තු සැසිවාරය අරඹන ලබන ජනවාරි 18 වන දින වනවිට සිදුකරන බව ශ්රී ලංකා පොදුජන තරුණ ව්යාපාරයේ බුද්ධික වික්රමාදර මහතා පැවසීය.
බැසිල් රාජපක්ෂ මහතා “කෙටි නිවාඩුවක්” ගත කිරීම සදහා පිටත්ව ගියේ එවැනි වෙනසකට රටේ සියල්ල සූදානම් කර තිබියදී බවද ඒ මහතා කීය.
“බැසිල් රාජපක්ෂගේ විදේශ සංචාරය ගැන මිනිස්සු කතා කරනවා. එතුමාගේ නායකත්වය යටතේ රට වෙනුවෙන් වෙනසක් සිදුවනු ඇතැයි අපි කවුරුත් නොඉවසිල්ලෙන් බලා සිටිනවා. ඔහු යන එන තැන් ගැන විපක්ෂය දැඩි අවධානයෙන් සිටිනවා. ඔහු කුඩා නිවාඩුවක් ගත කර ඉක්මනින් ආපසු එනවා. ඔහු රට හැර ගියේ සියල්ල සූදානම් කර තිබෙන පසුබිමකයි.” යනුවෙන ඊයේ (15) පැවති මාධ්ය හමුවකදී වික්රමාදර මහතා පැවසීය.
මුදල් අමාත්යවරයා නැවත පැමිණි පසු රටේ අභිවෘද්ධිය වෙනුවෙන් සෙසු සියලු දෙනාම තම යුතුකම නිසි ලෙස ඉටු කළ යුතු බවද ඔහු ප්රකාශ කළේය.
රාජපක්ෂ මහතා ඊයේ අලුයම ඇමරිකාව බලා පිටත්ව ගියේය.
