හරිත කෘෂිකර්මය සම්බන්ධයෙන් නාර්ය සාධක බළකායක් පිහිටුවා එය හමුදාපති ජෙනරාල් ෂවේන්ද්ර සිල්වා මහතා යටතට පත් කිරීමට ජනාධිපතිවරයා පියවර ගෙන තිබුණද ඒ මහතාගේ සහභාගීත්වයෙන් තොරව හරිත කෘෂිකර්මය පිළිබදව සාකච්ජාවක් කෘෂිකර්ම අමාත්යවරයාගේ සහ සෞඛ්ය අමාත්යවරයාගේ ප්රධානත්වයෙන් පැවැත්වී තිබේ.
ඊට වෛද්ය අනුරුද්ධ පාදෙණිය මහතා මෙන්ම සෞඛ්ය සේවා අධ්යක්ෂ ජනරාල්වරයාද සහභාගී වී සිට ඇත.
මේ ඒ සම්බන්ධයෙන් අලුත්ගමගේ මහතා සිය ෆේස්බුක් පිටුවේ තබා තිබූ සටහනය.
වස විසෙන් තොර හරිත කෘෂිකර්මාන්තයක් උදෙසා රජය ගෙනයන වැඩපිලිවෙල සාර්ථක කරගැනීමට සෞඛ්ය ක්ෂේත්රයේ දායකත්වය ඉතාමත්ම වැදගත්. එම ක්ෂේත්රයේ දායකත්වය පිළිබඳව සාකච්ඡාවක් අද දින සෞඛ්ය අමාත්ය ගරු කෙහෙලිය රඹුක්වැල්ල මැතිතුමාගේ සහ මාගේ ප්රධානත්වයෙන් සෞඛ්ය අමාත්යාංශයේදී පැවැත්වුණා.
රසායනික පොහොර, කෘමිනාශක, වල්නාශක, දිලීර නාශක වැනි විෂ රසායනික ද්රව්ය හේතුවෙන් ඇතිවන වකුගඩු සහ පිළිකා රෝග තත්ත්වයන් පිළිබඳව එහිදී සාකච්ඡාවට ගැනුනා. ලෝක සෞඛ්ය සංවිධානය විසින් පෙන්වා දෙන දත්ත අනුව මෙම රෝගී තත්ත්වයන්ට පත්වී මරණයට පත්වන ප්රමාණය කොරෝනා රෝගය හේතුවෙන් මරණයට පත්වන ප්රමාණයට වඩා වැඩිවී ඇත.
මෙම තත්ත්වය ජනතාවට අවබෝධකරදී වස විසෙන් තොර කාබනික කෘෂිකර්මාන්තය වඩාත් ඵලදායී ලෙස ක්රියාවට නැංවීමට සෞඛ්ය සේවා අධ්යක්ෂ ජෙනරාල්ගේ ප්රධානත්වයෙන් කාර්ය සාධක බලකායක් පිහිටුවීමට මෙහිදී තීරණය කලා.
මෙම කමිටුව හැකි ඉක්මනින් රැස්වී ඉදිරි ක්රියාමාර්ග ගැනීමට වාර්තාවක් ලබාදීමටද තීරණය කලා.මෙම අවස්ථාව සඳහා වෛද්ය අනුරුද්ධ පාදෙණිය මහතා, සෞඛ්ය සේවා අධ්යක්ෂ ජනරාල්තුමා, මහාචාර්ය ප්රියන්ත යාපා සහ සෞඛ්ය ක්ෂේත්රයේ නිළධාරීන් පිරිසක් සහභාගීවුනා.
