ශ්රී ලංකා පොදුජන පෙරමුණේ ජයග්රාහී සලකුණ වන පොහොට්ටුව ලකුණ වෙනුවට ජනාධිපතිවරණයේදී වෙනත් ලකුණක් යොදාගැනීම සම්බන්ධයෙන් රාජපක්ෂවරුන්ගේ අවධානය යොමු වී ඇති බව දැනගන්නට ඇත.
ශ්රී ලංකා නිදහස් පක්ෂය සමග සන්ධානගත වන්නේ නම් අනිවාර්යයෙන්ම පොහොට්ටුව ලකුණ වෙනස් විය යුතු බවට ජනාධිපතිවරයා ඉදිරිපත් කර තිබූ කොන්දේසිය මේ සදහා හේතු වී ඇති බව වාර්තා වේ.
ඒ අනුව වෙනත් ලකුණු ගණනාවක් සම්බන්ධයෙන් පොහොට්ටුවේ අවධානය යොමුව ඇත. නමුත් ඒ ලකුණ, පුටුව හෝ බුලත් කොළය නොවිය යුතු බවටද රාජපක්ෂවරුන් තීන්දු කොට ඇත.
මේ පිළිබදව දැනටමත් මහින්ද-බැසිල්-ගෝඨාභය යන මහත්වරුන් සන්ධානයේ සෙසු පක්ෂ සමග සාකච්ජා ආරම්භ කර ඇති අතර ඉදිරි දින කිහිපය ඇතුළත අවසන් තීන්දුව ශ්රීලනිපයට දැනුම් දීමටද නියමිතය.
