අද වන විට මෙරට වෙළෙඳපොළ තුළ ඔක්සිජන් බහාලුම් ඇතුළු උපකරණ කිසිවක් නැති බවත්, ඒවා සියල්ල මිලට ගෙන අවසන් බවත් හෝමාගම කොරෝනා ප්රතිකාර මධ්යස්ථානයේ ප්රධාන කායික රෝග විශේෂඥ වෛද්ය එරංග නාරංගොඩ මහතා සඳහන් කරයි.
ඉන්දියානු කොරෝනා ප්රභේදය දරුණුම මාරාන්තික සහ ඉහළ අවදානම් සහිත ප්රභේදය බව පවසන ඒ මහතා මෙම ප්රබේදය රට පුරා ව්යාප්ත වී ඇති බවත්, රටම දැඩි අනතුරක පවතින බවත් සදහන් කළේය.
අද වන විට හෝමාගම රෝහලේ ඇඳන් කිසිවක් නැති බවත් දැඩි සත්කාර ඒකක පිරී ගොස් ඇති බවත් ඔක්සිජන් ප්රශ්නද ඇති වුනු ඇති බවත් ඒ මහතා පවසයි.
මුලින් රට පූර්ණ වශයෙන් වසා දමා ගුවන්තොටුපළ වසා දැමුවේ නම් මෙය පාලනය කරගත හැකිව තිබූ බවද ඒ මහතා පැවසීය.
අන්තර්ජාල නාළිකාවක් සමඟ සාකච්ඡාවකට එක්වෙමින් ඔහු මෙම අදහස් පළ කළේය.
