අද (27) පස්වරුවේ සිදු කිරීමට නියමිත චීන ආරක්ෂක ඇමැති වෙයි ෆෙන්ග් මහතාගේ ශ්රී ලංකා සංචාරය සම්බන්ධයෙන් ලොව අනෙකුත් රටවල දැඩි අවධානය යොමුව ඇති බව වාර්තා වේ.
මේ දිනවල පෝට් සිටිය සම්බන්ධයෙන් ආන්දෝලනාත්මක තත්වයක් මතුව තිබීමත්, පසුගිය දිනෙක විකිරණශීලී ද්රව්ය රැගත් චීන නෞකාවක් අවසරයකින් තොරවම හම්බන්තොට වරායට පිවිස තිබීමත් මත චීන ආරක්ෂක අමාත්යවරාගේ ලංකා ගමන දෙස මෙම අවධානය යොමුව ඇති බව පැවසේ.
කෙසේවෙතත් මේ සම්බන්ධයෙන් විමසන පාර්ශ්වයන්ට ආණ්ඩුවේ පැත්තෙන් දැනුම් දී ඇත්තේ මෙරට ආරක්ෂක අංශවලට අවශ්ය ආරක්ෂක උපකරණ සම්බන්ධයෙන් සාකච්ජා කිරීම සදහා චීන ආරක්ෂක අමාත්යවරයා ලංකාවට පැමිණෙන බවකි.
