ස්වභාවික සම්පත් විනාශ කිරීම මෙම කාලය තුළ උපරිම වශයෙන් සිදු වන බව ආරක්ෂක ලේකම් විශ්රාමික ජනරාල් කමල් ගුණරත්න මහතා පවසයි.
රාජ්ය නිලධාරීන්ගේ සමඟ අද පැවති හමුවකදී ආරක්ෂක ලේකම්වරයා කියා සිටියේ විශේෂයෙන්ම වන විනාශය සහ පරිසර විනාශය සිදුවන බවයි.
පොලිසිය, හමුදාව සහ ගුවන් හමුදාව යොදා ගනිමින් අමු අමුවේ කැලෑ කපන්නන් අත්අඩංගුවට ගත්විට ඔවුන්ට එවැනි විනාශයන් කිරීමට නිත්යානුකුල බලපත්ර ඇති හෙයින් එවැනි ආකාරයට බලපත්ර ලැබෙන්නේ කෙසේදැයි සිතාගත නොහැකි බව ආරක්ෂක ලේකම්වරයා පැවසීය.
ඇතැම් ප්රාදේශීය ලේකම්වරුන් අනවශ්ය පුද්ගලයන්ට බලපත්ර ලබා දී ඇති බවත් ආරක්ෂක ලේකම්වරයා කීය.
එමෙන්ම ත්රිකුණාමල ප්රදේශයේ කැලෑ කැපීමේ ආණ්ඩුවට හිතවත් ස්වාමීන් වහන්සේ නමක් සිටින බව කී ආරක්ෂක ලේකම්වරයා එම ක්රියාව වහාම නවත්වන ලෙස තමන් නැගෙනහිර ආණ්ඩුකාරවරියට මෙන්ම පොලිස් ප්රධානීන්ටද දැනුම් දුන් බව කීය.
මෙවැනි ක්රියා කිරීමට බලපත්ර ලබාදීමේදී යම් වැරද්දක් සිදුවන බවත් ඒ සම්බන්ධයෙන් ජනාධිපතිවරයා සහ රජය දැනුවත් කර ඇති බවද ඔහු පවසා සිටියේය.
