හෙට (19) දින පැවැත්වීමට නියමිත ජාතික විජයග්රාහි සැමරුම් උත්සවය සඳහා හිටපු ජනාධිපති මහින්ද රාජපක්ෂ මහතාට මේ වන තෙක් කිසිදු ආරාධනයක් ලැබී නොමැති බව ඒ මහතාගේ මාධ්ය ලේකම් නීතිඥ මනෝජ් ගමගේ මහතා පැවසීය.Sri Lanka Latest News
අමාත්ය උපාලි පන්නිලගේ මහතා විසින් 5 වන විධායක ජනාධිපතිවරයා වන මහින්ද රාජපක්ෂ මහතාට මෙම සැමරුම සඳහා ආරාධනා කර ඇති බවට ප්රකාශ කිරීම අසත්ය කරුණක් බවද මනෝජ් ගමගේ මහතා සඳහන් කළේය.
ජනතාව නොමඟ යවමින් විජයග්රාහී සැමරුමට මහින්ද රාජපක්ෂ මහතාට ආරාධනා කර ඇතැයි අමාත්යවරයා පවසා ඇතැයිද සඳහන් කළ නීතිඥ මනෝජ් ගමගේ මහතා වෙනදාට ජනාධිපති ලේකම් කාර්යාලයෙන් හෝ ආරක්ෂක අමාත්යංශයෙන් නිල වශයෙන් විජයග්රාහී සැමරුම සඳහා ආරාධනය ලැබෙන බවද පැවසීය.
යුද ජයග්රහණයට වසර 17ක් සපිරීම නිමිත්තෙන් “ජාතික විජයග්රාහි සැමරුම් උත්සවය“ ජනාධිපති අනුර කුමාර දිසානායක මහතාගේ ප්රධානත්වයෙන් බත්තරමුල්ලේ පිහිටි රණවිරු ස්මාරකය අබියසදී හෙට (19) පැවැත්වීමට නියමිතව තිබේ.
