මත්ද්රව්ය භාවිත කොට බස්රථ පදවන රියැදුරන් සහ එසේ සේවය කරන කොන්දොස්තරවරුන් අත්අඩංගුවට ගැනීමේ මෙහෙයුම් පුළුල් කොට ඇතැයි පොලිස් ප්රකාශකයෙක් ‘මව්රට’ට පැවැසීය.Sri Lanka Latest News
දිවයිනම ආවරණය වන පරිදි මෙම මෙහෙයුම් දියත් කොට ඇතැයිද, මත්ද්රව්ය භාවිත කොට බස්රථ ධාවනයේ යෙදෙන රියැදුරන් සහ කොන්දොස්තරවරුන් මේ වනවිට ක්රමයෙන් අත්අඩංගුවට පත්වෙමින් සිටින බවද පැවසූ පොලිස් ප්රකාශකයා කීවේ, එසේ හසුවන පුද්ගලයන්ට එරෙහිව දැඩිව නීතිය ක්රියාත්මක කරන බවය.
මේ වනවිට මත්ද්රව්ය භාවිත කොට ධාවනයේ යෙදෙන බස් රියැදුරන් මෙන්ම, එසේ සේවයේ නියුතුව සිටින කොන්දොස්තරවරුද නීතියේ රැහැනට කොටුකර ගැනීම සඳහා මාර්ගස්ථ මගී ප්රවාහන අධිකාරියේ නිලධාරීන් සමග එක්ව, පොලිසිය ඒකාබද්ධ මෙහෙයුම් දියත් කරමින් සිටින බවද හෙතෙම කීය.
මෙසේ කොටුවන පුද්ගලයන් විෂ මත්ද්රව්ය භාවිත කර ඇත්දැයි තහවුරු කරගැනීම සඳහා පරීක්ෂණ පැවැත්වීමට ජාතික ප්රවාහන වෛද්ය ආයතනය පියවර ගෙන තිබෙන බවද එහි ප්රධාන වෛද්ය නිලධාරිනී සමරසේකර මහත්මිය කීවාය.
නන්දන ශ්රී දොරකුඹුර
