සුළි කුණාටුවට පෙර සිටම පැවැති තත්ත්වය තුළ 2028 විදේශ ණය ගෙවීම අසීරු බවත් අයි.එම්.එෆ් එක කිව්වේ 2033 සිට ණය ගෙවන්න කිව්වත් 2028 සිට ණය ගෙවන්න එවක රජය පොරොන්දු වූ නිසා වත්මන් රජය මේ ගිවිසුම දැන්වත් වෙනස් කර නැවත රට ගොඩනැගෙන තෙක් ජන ජිවිත යථා තත්ත්වයට පත්වන තෙක් අප රටට ණය විරාමයක් අවශ්ය නිසා අයි.එම්.එෆ්. ගිවිසුම වෙනස් කර ගැනීමට කටයුතු කළ යුතු බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද අරණායක රිවි සඳ විද්යාලයට ජල පොම්පයක් ලබා දීම සඳහා පැමිණි අවස්ථාවේදී ය. මෙම අව්තැන්කඳවුර නිරීක්ෂණය සඳහා පැමිණි අවස්ථාවේ එහි සිටින ජනතාවගේ පරිභෝජනයට ජලය ලබා ගැනීමේ අපහසුතාවක් ඇති බව දැන ගැනීමට ලැබුණි. ඒ අනුව මෙම ජල පොම්පය ලබා දෙන ලදී.
නායයෑම් අවදානම් ඇති කඳුකර ප්රදේශවල භූවිද්යා පර්යේෂණ පැවැත්වීම වැදගත් බවත් මේ පර්යේෂණ කඩිනම් කර පදිංචියට සුදුසු ද නැද්ද කියා තීන්දුවක් ලබා දිය යුතු බවත් පදිංචිය ගැන තහවුරු කරනවා සේම ඉඩම නිවස මෙන්ම ජීවනෝපාය ගැනත් සෘජු යම්කිසි වැඩපිළිවෙළක් ක්රියාත්මක විය යුතු බවත් විපක්ෂ නායක සජිත් ප්රේමදාස මහතා පැවසීය.
එසේම තමා ජනතාව සොයා කඳවුරුවලට යාම තුළ මේ ජනතාව මුහුණ දෙන ගැටලු රැසක් සම්බන්ධයෙන් දැනුවත් වූ බවත් තමා මේ සිදු කරන්නේ ජනතාව උසි ගැන්වීම නොව ජනතාවගේ ප්රශ්නවලට විසඳුම් ලබා දීම බවත් සමගි ජන බලවේගය විසින් ඉදිරියටත් හුස්ම වැඩසටහන යටතේ මෙවැනි උදව් උපකාර ලබා දෙන බවත් විපක්ෂ නායකවරයා පැවසීය.
පන්ති පාට පක්ෂ භේද පසෙකලා ජනතාවගේ ගැටලු විසදන්න කැපවිය යුතු බවත් මේ ව්යවසනයට පාට පන්ති පක්ෂ භේදයක් නොමැති බවත් මේ විපතට පත් ජනතාවට කඩිනම් සහන ලබා දීමට අප කැපවිය යුතු බවත් විපක්ෂ නායක සජිත් ප්රේමදාස මහතා පැවසීය.
එමෙන්ම විපක්ෂ නායකවරයා ලෙස තමා ජනතාව වෙනුවෙන් සිදු කරන සේවාවන් හාස්යයට ලක් කළත් ඒ ගැන තැකීමකින් තොරව ජනතාව වෙනුවෙන් සේවය ඉටු කරන බවත් ඇත්ත කතා කරන විට ඒවා උපහාසයට ලක් කරන බවත් කවුරුන් විහිලු කළත් රටේ ජනතාවට උදව් කරන ලෙස ඉල්ලා සිටින බවත් විපක්ෂ නායකවරයා මෙහි දී පැවසීය.
