වතුකරයේ අමුතු තාලයේ රන් භාණ්ඩ කොල්ල කල්ලියක් අල්ලා ගැනීම සඳහා පොලිසිය පරීක්ෂණ පවත්වයි.Sri Lanka Latest News
මෙම තත්ත්වය හෙළිව ඇත්තේ බගවන්තලාව පොලිස් වසමට අයත් වතු යායක, ත්රිරෝද රථ රියැදුරකුට උපක්රමශීලීව මත්ද්රව්ය ලබාදී ඔහු සතුව තිබූ ලක්ෂ ගණනක රන් භාණ්ඩ පැහැර ගැනීමේ සිද්ධියක් වාර්තා වීමත් සමග බවද පොලිසිය කියයි.
කර්කස්වෝල් වතු කාර්යාලය අසල තම ත්රිරෝද රථය නවතා සිටියදී තමන් සමග මිත්රවූ අයකු තමන් වෙත පලතුරු බීම බෝතලයක් ලබාදුන් බවද, එය බීමෙන් පසු තමන් ක්ලාන්තවූ බවද, ඉන් පසුව තමන් සතුව පැවැති රන් ආභරණ සියල්ල කොල්ලකා සැකකරු පලාගොස් ඇති බවද ත්රිරෝද රථ රියැදුරා පැමිණිලි කර ඇති බවද පොලිසිය කියයි.
මෙය සංවිධානාත්මකව සිදුකෙරෙන කොල්ලකෑමේ අලුත් ක්රියාවක් බවට සැකකරන පොලිසිය, යමෙක් මිත්රවී පලතුරු බීම වැනි දෑ ලබාදෙන විට කල්පනාවෙන් පසුවන ලෙසද ජනතාවගෙන් ඉල්ලීමක් කරයි.
සිද්ධියට සම්බන්ධ අපරාධකරු අත්අඩංගුවට ගෙන, ඔවුන්ගේ අපරාධ ජාලයක් ඇද්දැයි සොයා බැලීමට පරීක්ෂණ පවත්වන බව පොලිස් ප්රකාශකයකු ‘මව්රට’ට පැවැසීය.
නන්දන ශ්රී දොරකුඹුර
