කෙහෙල්බද්දර පද්මේ සමග පැවැත්වූ සබඳතා පිළිබඳ ජනප්රිය නිරූපණ ශිල්පිනී පියුමි හංසමාලිගෙන් ප්රශ්න කර ඇති බවට පොලීසිය සඳහන් කරනවා.Sri Lanka Latest News
පියුමි හංසමාලි ඊයේ (21) පෙරවරුවේ අපරාධ පරීක්ෂණ දෙපාර්තමේන්තුව වෙත පැමිණියා.
ඉන් පිටව යාමේදී මාධ්ය හමුවේ අදහස් දක්වමින් ඇය සඳහන් කළේ, තමන්ගේ පෞද්ගලික හේතුවකට අදාළව පැමිණිල්ලක් කිරීමට එලෙස පැමිණි බවයි.
එමෙන්ම අදාළ පැමිණිල්ල කළේ කවුරු අරඹයාද යනාදි කරුණු පිළිබඳව ඉදිරියේදී දැනගන්නට ලැබෙනු ඇති බවයි ඇය වැඩිදුරටත් සඳහන් කළේ.
මේ අතර පසුගිය දිනවල පුවත්පත් මඟින් වාර්තා කර තිබුණේ, පියුමි හංසමාලිගේ රූපලාවණ්ය නිෂ්පාදන සමාගම මඟින් රටපුරා බෙදාහරින ආලේපනවල ප්රමිතිය සම්බන්ධයෙන් රජයේ රස පරීක්ෂක වාර්තාවක් කැඳවීමට කොළඹ අතිරේක මහේස්ත්රාත් නුවන් කෞෂල්ය මහතා රහස් පොලීසියට නියෝග කළ බවයි.
පියුමි හංසමාලි අලෙවි කළ ක්රීම් වර්ග අවශ්ය ආරක්ෂක ප්රමිතීන් සපුරාලීද යන්න තීරණය කිරීම සඳහා ඒවා නිෂ්පාදනයට අවසර ලබාගෙන තිබේදැයි සොයාබැලීමට අපරාධ පරීක්ෂණ දෙපාර්තමේන්තුවේ සංවිධානාත්මක අපරාධ ඒකකයේ නීතිවිරෝධී වත්කම් විමර්ශන අංශය අධිකරණයට මෝසමක් ඉදිරිපත් කිරීමෙන් අනතුරුව මෙම නියෝගය නිකුත් කෙරිණ.
සුඛෝපභෝගී ජීවන රටාවක් ගත කරමින් දේශපාලනඥයන් සහ අනෙකුත් බලගතු පුද්ගලයන් සමඟ සමීප සබඳතා පවත්වමින් කෙටි කාලයක් තුළ පියුමි හංසමාලි නීතිවිරෝධී ලෙස මිලියන ගණනක් ධනය රැස්කර ඇති බවට ඉදිරිපත් කෙරුණු පැමිණිල්ලක් මත පදනම්ව විමර්ශනය ආරම්භ කර තිබේ.
පියුමි ඊයෙ කියපු කතාව!
