අනේ මම දන්නේ නෑ ඕවා කියලා මොකවත්ම නොකර ඉන්න හිතනකොට, කන්තෝරුවෙන් කතාකරලා කියනවා ලියන්නම කියලා. ඒ නිසයි මේ ලියන්නේ. ඇත්ත කතන්දරේ තමයි මහත්තයෝ, අපිත් ඉංග්රීසි දන්නේ නෑ. ඒ නිසා අපි සිංහලෙන් ලියාගෙන, සිංහලෙන් කියවාගෙන, සිංහලෙන් වැඩ කරගෙන ඉන්නවා. මේක ටිකක් ගැඹුරට කල්පනා කළොත්, ඉංග්රීසි නොදන්නාකම කාගෙවත් අඩුපාඩුවක් නෙමෙයි. ඉංග්රීසි නොදන්න මිනිස්සු ලෝකේ ඕනෙ තරම් ඉන්නවා. ජර්මනිය, ප්රංශය, ඉතාලිය, ජපානය, කොරියාව, රුසියාව, යුක්රේනය මේ කවුරුත් ඉංග්රීසි කතාකරන්නේ නෑ. ඒගොල්ලෝ කතාකරන්නේ ඒගොල්ලන්ගේ භාෂාව. ඒගොල්ලෝ උත්සවයකදී කතාකරන්නේ ඒගොල්ලන්ගේ භාෂාව. ජපානේ ඔලිම්පික්වලදී නිවේදනය කළේ ජපන් භාෂාවෙන්. චීන ජනාධිපති කතාකරන්නේ චීන භාෂාවෙන්. ඒගොල්ලෝ ඉංග්රීසි කතාකරන්නේ නෑ. ලෝකේ වැඩිපුර ඉන්නේ ඉංග්රීසි කතා කරන අය නෙමෙයි. ඉංග්රීසි කතා නොකරන අය. Sri Lanka Latest News
ලෝකේ වැඩිපුර ඉන්නේ ඉංග්රීසි බැරි අය. ඉංග්රීසි පුළුවන් අය නෙමෙයි. හැබැයි, තමන් යන තැන ජාත්යන්තර වේදිකාවක් නම්, තමන්ට ඒකෙ ඉංග්රීසියෙන් කතාකරන්න බැරි නම්, කරන්න තියෙන්නේ සිංහලෙන් කතාකරන එක. එක්කෝ, සිංහලෙන් කතා කළාම ඒක ඉංග්රීසියට පරිවර්තනය වෙන ආකාරයේ උපකරණ මේ වගේ තැන්වල සවි කරලා තියෙනවා. එහෙම නැත්නම්, ඉංග්රීසියෙන් කතා කළාම ඒක සිංහලට පරිවර්තනය කරන්න පුළුවන් පරිවර්තකයෙක් අපිට එක්කගෙන යන්න පුළුවන්. මේ දෙකම නැතුව, කැඩුණු ඉංග්රීසියෙන් කතා කරලා වැඩේ පටලවාගෙන, ලෝකේ ඉස්සරහා අපි අපහසුතාවයට පත්වෙනවා නම්, ඒක ඔබේ දුර්වලතාවක්. හඳුන්නෙත්ති මහත්තයා, ඒක ඔබතුමා පිළිගන්න ඕනේ.
අපි මේ කියන්න හදන්නේ ඔබ අදක්ෂයෙක් කියලා නෙමෙයි. ඔබ අඩුපාඩුවක් තියෙන කෙනෙක් කියලත් නෙමෙයි. ඔබ සමහර විට ගැඹුරු ඉංග්රීසි කතාකරන්න දන්නේ නැතුව ඇති. ඒකේ කිසි ප්රශ්නයක් නෑ. මේ රටේ ගැඹුරු ඉංග්රීසි කතාකරන්න දන්න මිනිස්සු ඉන්න ඕනේ කියලා නියමෙකුත් නෑ. මොකද මේක ඉංග්රීසි භාෂාව කතාකරන රටක් නෙමෙයි. මේ රටේ ඉන්නේ සාමාන්ය සිංහල කතාකරන මිනිස්සු. මේ රටේ ඔබව පාර්ලිමේන්තුවට පත්කරලා එව්වේ සිංහල කතා කරන මිනිස්සු. මේ රටේ මිනිස්සුන්ට සිංහල නොතේරෙනවා නම්, වෙන භාෂාවකින් කියන්න වෙනවා නම්, අවශ්ය වෙන්නේ දෙමළ. මම හිතන්නේ නෑ මේ රටේ සිංහලත්, දෙමළත් දෙකම නොතේරෙන කවුරුත් ඉන්නවා කියලා. එහෙම ඉන්නවා නම් ඒක ඒ ඉන්න මිනිහගේ අඩුපාඩුවක්. හැබැයි, ජාත්යන්තර වේදිකාවට යද්දී, ඔය බයිලා කියලා වැඩක් නෑ.
‘කපුටාස් හිට් ද ප්ලේන්’ කියලා බැසිල් ලංකාව ඉස්සරහා හෑල්ලු වෙලා, වාහනවල කපුටු කාක් කාක් කාක් කියලා හෝන් එක ගහන තැනට පත්කර ගත්තා වගේ, මේ මහත්තුරු ඒ වගේ දේවල් කරගන්නේ නැතිවෙයි කියලා අපි විශ්වාස කරනවා. ඒත් ඉතින් අපි විශ්වාස කළාට වැඩක් නෑ. මේගොල්ලෝ එහෙම කරගන්නවා.
ඒ අස්සේ අපිට මතකයි එක මහත්තයෙක් ‘ඩිස්කේ අම්මට ඩිස්කාඩේ’ කියලා මොකක්දෝ බහුබූතයක් කිව්වා. සජිත් ප්රේමදාස මහත්තයාටනේ ඔක්කොම බැන්නේ. සජිත් ප්රේමදාස මහත්තයත් ඉතින් ජපන් කතාකරනවා, ඉංග්රීසි කතාකරනවා, නොතේරෙන භාෂාවල් කියනවා. ඒක ඇත්ත. හැබැයි ඉතින් එතුමා මේවා කතාකරනකොට එතුමාට හිනා වෙච්ච අය දැන්, ඒ වගේම දේවල් කරගන්නකොට, අර හිනාවෙන් ඊළඟ හිනාව හතර හිනාවනේ. මේ වෙලාවේ අපිට දැනෙන දේ තමයි, සජිත් ප්රේමදාස මහත්තයා ඒ වෙලාවේ කරන්න හදපු දේත් එක අතකින් හරි වගේ. මොකද එතුමා කරන්න හැදුවේ, මේකේ ජාත්යන්තර භාෂා ටික උගන්වලා, ජාත්යන්තර භාෂා ගැන මේ රටේ මිනිස්සුන්ට උනන්දුවක් ඇති කරන්න විවිධ ව්යාපෘති දියත් කරපු එක. ඒකේ ප්රවේශය, ඒක කරන්න ගියපු විදිහ සම්බන්ධව පොඩි පොඩි අඩුපාඩු තියෙන්න පුළුවන්. එතුමාගේ අධ්යාපනය ගැනත් ලොකු ප්රශ්නයක් අපේ රටේ තිබ්බනේ. එතුමාගේ අධ්යාපනය ප්රශ්න කළානේ නලින්ද ජයතිස්ස මහත්තයා. ඒ වෙලාවේ ඔය කතාබහ ලොකුවට එළියට ආවනේ, එතුමා ඉගෙනගෙන නෑ, එතුමා දක්ෂ නෑ, එතුමා මෝඩයි, ඉංග්රීසි කතාකරන්න හදන්නේ මේ, තමන්ගේ පණ්ඩිතකම පෙන්නන්න, ඒ වුණාට පුළුවන් ලබ්බක් නෑ කියලා. හැබැයි සජිත් මහත්තයා නම් උප්පැන්න සහතිකේ ඉඳන් තමන්ගේ සහතික ඔක්කොම පාර්ලිමේන්තුවට ඉදිරිපත් කළා. දැන් බලාගෙන ගියහම හැමෝටම පුළුවන් ලබ්බක් නෑ වගේ තමයි අපිට පේන්නේ. මොකද රුස්ස ගස්වල ඇද පළුදු තියෙනවා. හැබැයි ඉතින්, හදන ගොඩනැගිල්ලට දාන කණුව ඇදවෙලා බෑනේ. ඇඳට දාන වියල ඇදවෙලා බෑනේ. අල්මාරියට දාන ලෑල්ල ඇදවෙලා බෑනේ. ඒ නිසයි අපි මේ කියන්නේ, ඇද තියෙනවා නම්, වහගන්න. ඇද ලෝකෙට පෙන්නන්න එපා. ඇද නැති ගස් නෑ කියලා අපි දන්නවා. ඇද නිසා ගහක තියෙන වනස්පති ස්වභාවයට හානි වෙන්නේ නෑ. කවදාවත් ඇදවුණා කියලා ඒක ගහක් නෙමෙයි කියලා කියන්න අපිට බෑ. ඒක සරල කරලා කිව්වොත්, සුනිල් හඳුන්නෙත්ති කියන්නේ පොරක්. කිසි ප්රශ්නයක් නෑ. ඔහු ඉංග්රීසි භාෂාව පිළිබඳ විශාරදයෙක් කියලා ඔහු පාර්ලිමේන්තුවේ බොරුවක් කරලා, මට ඒ සම්බන්ධව සහතික තියෙනවා කියලා කියලා නෑනේ.
දැන් අර එක මහත්තයෙක් නම් හිටියා මොකක්ද සහතිකයක් තියෙනවා කිව්වා, ආයේ ඒ සහතිකය ගැන කතාවකුත් නෑ. ඒ මහත්තයා ගැන ආරංචියකුත් නෑ. ඒ මහත්තයට රන්වල දෙවියන්ගේ පිහිටයි කියලා එක එක්කෙනා සමාජ මාධ්යවල දාලා තියෙනවා. ඒත් ඔය අපිට තේරෙන්නේ නෑ මොකෝ කියලා. ඔන්න ඔහොම එකක් වෙලා තිබුණා. ඒ වුණාට මේ මහත්තුරු එහෙම නෑනේ. මේ මහත්තුරු, තමන්ට පුළුවන් දේවල් පුළුවන් කියලා කියනවා, බැරි දේවල් බෑ කියනවා. හැබැයි බැරි දේවල් කරන්න ගිහිල්ලා අර වරිගෙ නහගන්න ගියාම ඒකෙන් අපහසුතාවට පත්වෙන්නේ එතුමලා නෙමෙයි, රට. ඒ නිසා මේක හරියට නොදන්නවා නම් අපේ රටේ උදවිය, හැබැයි තත්ත්වය භයානකයි. තත්ත්වය භයානක වුණාට ඉතින් මොකක් කරන්නද? ඕක තමයි යථාර්ථය.
පහුගිය දවසක අපි දැක්කා ඕක. ඉතින් ඔන්න අපි ලිව්වා. අමනාප වෙන්න එපා. මේ ලියන්නේ හිත රිදවන්න නෙමෙයි. මේ බොහොම ආදරෙන් කියන්නේ. මේ වගේ දේවල් වෙනකොට, ඒක අපිට හොඳ නෑ. මේවට එක එක ජාතියේ හේතු කියන්න පුළුවන්. තර්ක කරන්නත් පුළුවන්. හෑලි ලියන්නත් පුළුවන්. හැබැයි ඉතින් මොකක් කරත්, ඒ වෙලාවේ ඒ මොහොතේ, ඒ අවස්ථාවේ සිද්ධ වෙච්ච දේ ටිකක් හරි මදි වගේ. ඒ නිසා, අපි කියන්නේ පාර්ලිමේන්තුවට පත් වෙලා ඉන්න හැම මන්ත්රීතුමාම, හැම ඇමැතිතුමාම ඉංග්රීසි දැනගන්න ඕනේ කියලා නෙමෙයි. එහෙම එකක් නෑ. ඉංග්රීසි දන්නේ නැත්තම් ප්රශ්නයක් නෑ. ඔහු වෙනත් පාණ්ඩිත්යයක් සහිත උගතෙක් නම්, ඔහු දක්ෂයෙක් නම්, ලෝකේ අනිත් රටවල වගේ ඕනෙ තරම් ඉංග්රීසි භාෂාව දන්නේ නැති ලොක්කො ඉන්නවා, නායකයෝ ඉන්නවා. හැබැයි ඉතින් බැරි දේ බෑ කියලා දැනගෙන, බැරි බව තේරුම් අරගෙන, ඒ ගැටලුව පිටට නොපෙනෙන විදිහට ජේත්තුකාරයෙක් වගේ වැඩේ ඉවර කරගත්තා නම් රැවුලත් බේරිලා, කැඳත් බේරිලා. දැන්, දෙකම විනාශයි.
ජීවන පහන් තිළිණ
