ලෝක වෙළෙඳපළේ බොර තෙල් බැරලයක මිල 2023 සැප්තැම්බර් වන විට ඩොලර් 94කට පැවැති අතර, 2024 මාර්තු වන විට එය ඩොලර් 83 දක්වා අඩුවන අතර, 2024 ජුනි වන විට එය ඩොලර් 76 දක්වා පහළ බැසීමක් පෙන්නුම් කරන බව පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අධ්යයන අංශයේ ජ්යෙෂ්ඨ මහාචාර්ය වසන්ත අතුකෝරල මහතා පැවැසීය. (Sri Lanka Latest News)
මේ අනුව 2023 සැප්තැම්බර් සිට 2024 ජුනි වනවිට 24%කින් පමණ බොර තෙල් මිල ගණන් පහළ බැස ඇත.
එහෙත් අදාළ කාලපරිච්ඡේදය තුළ ලංකාවේ ඩීසල් සහ පෙට්රල් මිල ගණන් පහත දැමීමක් පන්නුම් නොකරයි.
2023 ඔක්තෝබර් මාසයේ ඔක්ටේන් 92 සහ 95 පෙට්රල් ලීටරයක මිල ගණන් රුපියල් 365 සහ 420 ලෙස පැවැති අතර, 2024 මැයි මස අග වන විට එය රුපියල් 355ක් සහ 420ක් ලෙස වාර්තා වේ.
මේ අනුව ඔක්ටේන් 95 පෙට්රල් මිල වෙනස් නොවී පවතින අතර, ඔක්ටේන් 92 වර්ගයේ පෙට්රල් මිල ගණන් පහත දමා ඇත්තේ රුපියල් 10කින් පමණි.
තවද ලංකා සුපර් ඩීසල් සහ ඔටෝ ඩීසල් ලීටරයක මිල ගණන් 2023 ඔක්තෝබර් වන විට රුපියල් 421ක් සහ 351ක් ලෙස පැවැති අතර, ඒවායේ මිල ගණන් 2024 මැයි අවසන් වන විට රුපියල් 377ක් සහ 317ක් ලෙස පවතී.
එහිදී සුපර් ඩීසල් ලීටරයක මිල ගණන් අඩුවී ඇත්තේ 11%කින් වන අතර, ලංකා ඔටෝ ඩීසල් ලීටරයක මිල ගණන් පහත බැස ඇත්තේ 10%කින් පමණි.
මේ අනුව ලෝක වෙළෙඳපළේ තෙල් මිල ගණන් පහළ යෑමේ වාසිය සත්ය වශයෙන් ජනතාවට නොලැබී ගොස් ඇති බවයි අනාවරණ වන්නේ.
ප්රේමලාල් විජේරත්න
