නිරිතදිග මෝසම් ආරම්භයත් සමඟම අනපේක්ෂිත කාලගුණ තත්ත්වයත් සමඟ ඇති වූ ගංවතුර නිසා ආපදා රැසකට ලක්ෂ සංඛ්යාත ජනතාව මුහුණ දී ඇති බවත් මේ ජනතාව වෙනුවෙන් දිවා රෑ වෙහෙස නොබලා සේවය කර දිස්ත්රික් හා ප්රාදේශීය ලේකම් කාර්යාල, පොලිසිය, සෞඛ්ය අංශ, ආරක්ෂක අංශ ආදිය දරන උත්සාහයට සිය ප්රණාමය පුදකරන බවත් විපක්ෂ නායකවරයා පැවසීය.Sri Lanka Latest News
එසේම මේ ආපදාවට ලත් ජනතාවට ලබා දෙන සහන, කෙටිකාලීනව කඩිනමින් සැපයිය යුතු බවත් බොහෝ දෙනෙකුට ආහාර ඇදුම් පවා අහිමි වී ඇති නිසා විධිමත් වැඩසටහනක් කඩිනමින් ක්රියාත්මක විය යුතු බවත් ලැබී ඇති තොරතුරු අනුව දිස්ත්රික් ලේකම් කාර්යාලවලට අමතර ප්රතිපාදන ලක්ෂ 10ක් යැව්වත් එය ප්රමාණවත් නොවන බව විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
රට බංකොලොත් වූ කාලයේ දී ආපදා කළමනාකරණ අමාත්යාංශය ඉදිරිපත් කර ඇති 2022.05.16 යන නමින් යුත් විපතට පත් වූවන්ට සහන දෙන චක්රලේඛයක් නිකුත් කර ඇති බවත් ඉන් පසුව සිදුවූ ආර්ථික කඩාවැටීම තුළ බඩුමිල ආදිය වැඩි වී ඇති නමුත් මෙම චක්රලේඛය හරහා එක් පුද්ගලයකුට දෛනිකව පිසූ ආහාර සදහා රු. 450ත්, එක් පුද්ගලයකුට සතියකට වියලි ආහාර සදහා රු. 1350ක් හා සාමාජිකයන් 2ක් සිටින පවුලකට රු.1800ක් සාමාජිකය්න 3කට රු.2100ක්, සාමාජිකයන් 4 දෙනකු සිටින පවුලකට රු.2400ක් හා සාමාජිකයන් 5 දෙනකුගෙන් යුත් පවුලකට රු.2700ක් වෙන් කර ඇති බවත් සතියකට සාමාජිකයකයන් 2ක් සිටින පවුලකට එක් පුද්ගලයකුට රු.900ක් වෙන් වන බවත් සාමාජිකයන් 5 දෙනකු සිටින පවුලකට 1 අයකුට සතියකට වෙන්වන්නේ රු.540ක් බවත් මෙහි සඳහන් මුදල් වත්මන් ජීවන වියදමත් සමඟ ගැලපෙන්නේ නැති බැවින් මෙය වහා වෙනස් විය යුතු බවත් විපක්ෂ නායකවරයා පැවසීය.
එසේම මේ සහන ලබා දීම ක්රමවත්ව වෙනස් විය යුතු බවත් ක්රමවත් ආපදා කළමනාකරණ වැඩපිළිවෙළක් තිබුණා නම් මේවා යාවත්කාලීන විය යුතු බවත් විපක්ෂ නායකවරයා පැවසීය.
සුනාමියෙන් පසු ලැබුණු ඩොප්ලර් රේඩාර් පද්ධතිය තාම හයිකරගන්න බැරි වෙලා
හදිසි ආපදා තත්ත්වය තුළ අප රටට සුනාමියෙන් පසු රේඩාර් පද්ධතියක් ලැබුණු බවත් එය ඩොප්ලර් රේඩාර් පද්ධතිය නම් වන බවත් ආරක්ෂක අමාත්යාංශය නිවේදනය කරන ආකාරයට අලුතින්ම ඩොප්ලර් රේඩාර් පද්ධතිය සවි කරන්න තව මාස කිහිපයක් ගත වන බවත් සුනාමියෙන් පසු ලැබුණු ඩොප්ලර් රේඩාර් පද්ධතියට දෙනියාය ගොංගල කන්ද මුදුනේ කුළුනක් ඉදි කිරිමට කොන්ත්රාත්තුව ලබා දුන්නත් 2017 ජුනි 14 වනතුරු සිදුව නොමැති බවත් සුනාමියක් පසු ලැබුනු එකවත් සවිකර ගන්න බැරි රටක අප සිටින නිසා මේ ගැන සොයනා ලෙස ඉල්ලීමක් කරන බවත් විපක්ෂ නායකවරයා පැවසීය.
මාතර ගල්බන්ටෙක උතුරලා ගංවතුර අවදානමක් ඇති වෙලා
තවද කෘතීම බුද්ධිය උපයෝගී කර ගෙන ගංවතුර හා ආපදා තත්ත්වලදී පෙර සූදානමක් ඇති කර ගත හැකි බවත් අනාවැකි මාදිලි, කෙටිකාලින හා දිගුකාලීන අනාවැකි ආදීය සම්බන්ධ තොරතුරුවලින් සවිබල ගැන්විය හැකි බවත් පැවසූ විපක්ෂ නායකවරයා කියා සිටියේ මේ වන විට මාතර ආපදා තත්ත්වය බරපතල බවයි.
නිල්වලා ගග දේරා්නියේ ඇති අත්තුඩාවේ ගල්බංටෙක උතුරා යාම නිසා අවදානමට ලක්වන බොහෝ ප්රදේශ ඇති බවත් මේවා ඉදිරි පැය 48ක් තුළ ගංවතුර අවදානමට ලක්ව ඇති ප්රදේශ බවට නිවේදනය කර ඇති නිසා මේ ගැන සොයා බලන ලෙසත් ඉල්ලා සිටියේය.
