දිවයිනේ ප්රදේශ රැසක උණුසුම් කාලගුණය තවදුරටත් ඉහළ යමින් ඇතැයි කාලගුණ විද්යා දෙපාර්තමේන්තුව අනතුරු අඟවයි. (Sri Lanka Latest News)
කාලගුණ විද්යා දෙපාර්තමේන්තු නිවේදනයට අනුව, වයඹ, උතුරු-මැද, නැගෙනහිර, බස්නාහිර පළාත්වල උණුසුම් කාලගුණය සම්බන්ධයෙන් දැඩි ලෙස විමසිලිමත්විය යුතුවේ.
ඊට අමතරව, මොණරාගල, මන්නාරම, රත්නපුර සහ වවුනියාව දිස්ත්රික්කවල ඇතැම් ස්ථානවල උණුසුම් දර්ශකය, එනම් මිනිස් සිරුරට දැනෙන උණුසුම අවධානය යොමු කළ යුතු මට්ටමක පවතින බව කාලගුණ විද්යා දෙපාර්තමේන්තුව ප්රකාශ කළේ ය.
එම ප්රදේශවල ජනතාවට සෞඛ්ය ආරක්ෂිත ක්රමවේද අනුගමනය කරන්නැයි කාලගුණ විද්යා දෙපාර්තමේන්තුව දැනුම් දෙයි.
මේ අතර බස්නාහිර සබරගමුව පළාත්වලත්, ගාල්ල, මාතර දිස්ත්රික්වලත් ස්ථාන ස්වල්පයක අද වැසි ඇති විය හැකි බව කාලගුණ නිවේදනයේ සඳහන් විය.
කාලගුණ විද්යා දෙපාර්තමේන්තුවේ අධ්යක්ෂ ජනරාල් අතුල කරුණානායක මහතා සඳහන් කළේ, ලබන 22 වැනි දා සිට දිවයිනේ ඇතැම් ප්රදේශවලට සවස් කාලයේදී වැසි වාර කිහිපයක් ඇති විය හැකි බවයි.
කෙසේ වෙතත් එය පවතින උණුසුම් කාලගුණය පහව යාමට තරම් බලපෑමක් නොවන බව ඔහු පැවසුවේ ය.
අප්රේල් 05 වැනි දා සිට 15 වැනි දා තෙක් හිරු මුදුන්ව පවතින බැවින් උණුසුම ඉහළ යා හැකියි.
newsfirst.
