අධ්යයන පොදු සහතික පත්ර සාමාන්ය පෙළ විභාගය යනු පාසල් අධ්යාපනයේ වැදගත් විභාග අතරින් එකකි. උසස් පෙළ විභාගයට පෙනීසිටීම සඳහා සුදුසුකම් ලබාගැනීමේ තීරණාත්මක විභාගයක් ලෙස ද සාමාන්ය පෙළ විභාගය සැලකේ.(Sri Lanka Latest News) එහෙයින්, සාමාන්ය පෙළ විභාගය තරගකාරී විභාගයක් නොවුණ ද, සිය දරුවන් එය ඉහළින් ම සමත් වනු දැකීම බොහෝ මවුපියන්ගේ අපේක්ෂාවකි.
ශ්රී ලංකාවේ අගහිඟකම් මැද ජීවිත ගතකරන බොහෝ දරුවන්ට ඔවුන්ගේ ජීවිත ගොඩනගා ගැනීමට බොහෝවිට ඇති එකම මාර්ගය නිදහස් අධ්යාපනයයි.
මේ කතාව එවැනි අගහිඟකම් මැද සාමාන්ය පෙළ විභාගය විශිෂ්ට අයුරින් සමත් වූ නිවුන් සොහොයුරන් තිදෙනෙකු පිළිබඳවය. එම සුවිශේෂ නිවුන් සොහොයුරන් පිළිබඳ වාර්තා වූයේ ගාල්ල මාපලගම ප්රදේශයෙනි. ඔවුන් තිදෙනා නමින්, අනුද ගජනායක, අකිඳු ගජනායක සහ අමිරු ගජනායකය.
A සාමාර්ථ 25ක්
මෙම නිවුන් දරුවන් අතරින් මද්දුමයා ලෙස සැලකෙන අනුද ගජනායක විෂයයන් 9ටම A සාමාර්ථ ලබා ඇති අතර, අකිඳු සහ අමිරු A සාමාර්ථ 8 බැගින් සහ B සාමාර්ථය බැගින් ලබාගෙන තිබේ. ඒ අනුව, ඔවුන් තිදෙනා A සාමාර්ථ 25ක් හිමිකර ගෙන ඇත.
මොවුන් තිදෙනා පහ ශ්රේණිය ශිෂ්යත්ව විභාගයෙන් ද සමත්වී තිබූ අතර,A සාමාර්ථ 9ක් හිමිකර ගත් අනුද ගාල්ල ඇලවීෂියස් විද්යාලයේත්, සෙසු සහෝදරයන් දෙදෙනා නාගොඩ රාජකීය විද්යාලයේත් ඉගෙනුම ලැබූහ.
‘ඉගෙන ගත්තෙ නැත්නම් අපට අනාගතයක් නෑ’
‘අපේ අම්මයි තාත්තයි ගොඩක් අමාරුවෙන් අපට උගන්වන්නේ. අපට තව අක්කලා දෙන්නෙකුත් ඉන්නවා. ඒගොල්ලොත් තාම උසස් පෙළ කරනවා. පවුලේ කාටවත් ස්ථිර රැකියාවක් නෑ. තාත්තා අපට අයිති පොඩි තේ ඉඩමකින් තමයි මේ ඔක්කොම කරන්නේ. නෑදෑයෝ පුළුවන් විදිහට උදව් කරනවා’ අනුද ගජනායක පැවසීය.
ඔවුන් සියලු දෙනාම ඉගෙනීම වෙනුවෙන් කැපවීමට බලපෑ හේතුව අනුද පැහැදිලි කළේ මෙලෙසිනි.
‘ඉගෙන ගත්තෙ නැත්නම් අපට අනාගතයක් නැති බව අපි තේරුම් අරගෙන ඉන්නෙ. මොකද, අපේ තාත්තාට ස්ථිර රැකියාවක් නැති නිසා සහ වත් පොහොසත්කම් නැති නිසා අපට වෙනත් මාර්ගයක් නෑ දියුණු වෙන්න. ඒ නිසා අපි හොඳට ඉගෙන ගන්න ඕනෙ කියන අරමුණ අපට තියෙනවා.’
ඔවුන් තිදෙනා සාමාන්ය පෙළ විභාගයට සූදානම් වීම සඳහා පාඩම් කටයුතුවල නිරත වී ඇත්තේ ද තිදෙනා එක්වය.
දෙමාපියන් අප සමග පැවසූ පරිදි අකිඳු සහ අමිරු චිත්ර කලාවට දක්ෂතාවක් දක්වන අතර ඔවුන් දෙදෙනා පාසලේ මලල ක්රීඩාවන්හිද නිරතවී තිබේ. අනුද බටනලා වාදනයට දස්කම් දක්වයි.
මව සහ පියා සමගින් සාමාජිකයන් හත් දෙනකුගෙන් සමන්විත මෙම පවුල තුන් නිවුන් සහෝදරයන්ට අමතරව වැඩිමල් සහෝදරියන් දෙදෙනකුගෙන්ද සමන්විත වන අතර, ඔවුන් දෙදෙනා මේ වන විට ජීව විද්යා අංශයෙන් උසස් පෙළ හදාරමින් සිටියි.
නිවුන් සහෝදරයන් තිදෙනාගේම ඉදිරි බලාපොරොත්තුව වී ඇත්තේ ගණිත අංශයෙන් උසස් පෙළ හැදෑරීමය. ඒ සඳහා සුදුසු පාසලකට ඇතුළත් වීමේ අපේක්ෂාවෙන් පසුවන බවද අනුද ගජනායක පැවසීය.
අනාගත අපේක්ෂා
‘අපි තුන් දෙනාටම ඕනෙ ඉන්ජිනේරුවන් වෙන්නයි. ඒක නිසා අපි තුන්දෙනාම ගණිතය අංශයෙන් උසස් පෙළ කරන්න බලාපොරොත්තුවෙන් ඉන්නේ’ අනුද පැවැසීය.
කුමන ක්ෂේත්රයක ඉන්ජිනේරුවරුන් වීමට අපේක්ෂා කරන්නේද යනුවෙන් අප ඇසූ ප්රශ්නයට ඔහු දුන්නේ මෙවන් පිළිතුරකි.
‘අපට තාම ඒ ගැන ලොකු වැටහීමක් නෑ. අපි කොහොම හරි එකතු වෙලා පාඩම් කරලා ඉන්ජිනේරු පීඨයකට ඇතුළත් වෙනවා තුන් දෙනාම. ඊට පස්සේ අපි කල්පනා කරනවා අනාගතයේදී මොනවද කරන්නේ කියලා.’
2022 වසරේ අ.පො.ස. සාමාන්ය පෙළ විභාගය මේ වසරේ මැයි මස 29 වැනිදා සිට ජූනි මස අට වැනිදා දක්වා පැවැත්විණි.
ඊට විභාග මධ්යස්ථාන 3,568කදී අපේක්ෂකයන් 472,553 දෙනෙක් පෙනී සිටියහ.
බීබීසී සිංහල වෙබ් අඩවියෙනි
