ඉන්දියාව සහ ශ්රී ලංකාව අතර මගී ප්රවාහන නෞකා සේවය අද (14) සිට ආරම්භ වන බව වරාය නාවික හා ගුවන් සේවා අමාත්යාංශය පවසයි. (Sri Lanka Latest News)
ඒ අනුව නෞකා සේවයේ සමාරම්භය සටහන් කරමින් ඉන්දියාවේ සිට මගීන් සිය දෙනෙකු රැගත් නෞකාවක් කන්කසන්තුරේ දක්වා පැමිණීමට නියමිතය.
මෙය ඉන්දියාවේ තමිල්නාඩුවේ නාගපට්නම් වරාය සහ මෙරට යාපනයේ කන්කසන්තුරේ වරාය හා සම්බන්ධ වන අතර දෙරට අතර යාත්රා කිරීම සඳහා පැය 3ක කාලයක් ගත වෙයි.
දෙරට අතර අත්සන් කෙරුණු අවබෝධතා ගිවිසුමට අනුව යාපනය කන්කසන්තුරේ සිට ඉන්දියාවේ නාගපට්ටම් අතර මගී ප්රවාහන බෝට්ටු සේවාව ක්රියාත්මක කිරීමට සූදානම් කර තිබේ.
මෙම යාත්රාවේ ගමන් වාරයකට ගෙවිය යුතු මුදල ඇමෙරිකානු ඩොලර් 50 ක් හෙවත් ආසන්න වශයෙන් ශ්රී ලංකා රුපියල් 16000 ක් පමණක් වෙයි.
මගියෙකුට කිලෝග්රෑම් 100 ක් දක්වා බර ගමන් මලු රැගෙන යාමට ඉඩ සලසන අතර පළමු අදියර තුළ දිවා කාලයේ මෙහෙයුම් පමණක් ක්රියාත්මක වේ.
gossiplankanews
