විදුලි බල උත්පාදනයේ ගැටලුවක් ළගදීම එන බවත් ඒ නිසා පෞද්ගලික මිල දී ගැනීම්වලට යාමට සිදුවන බවත් එසේ හදීසි මිලදී ගැනීමක් සිදුවනවා යනු ටෙන්ඩර් ක්රමයෙන් බැහැර වීමක් බවත් ඒ තුළ මුදල් ගසා කෑම් සිදුවන බවත් විපක්ෂ නායකවරයා පැවසීය.Sri Lanka Latest News
ඩීසල් මාෆියා කරන පුද්ගලයන් සහ ඉන්ධන උපයෝගී කර ගෙන විදුලි සැපයුම් කරන ආයතන ඇතුළු බොහෝ දෙනා මේ හදීසි තත්ත්වය උපයෝගී කර ගෙන ඩොලර් කුට්ටි පිටින් කොමිස් ගැසීමට සුදානමින් සිටින බවත් ඖෂධ මිල දී ගැනීමේදී ද සිදු වූයේ මෙය බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායකවරයා මේ බව කියා සිටියෙ සක්වල වැඩසටහන යටතේ අද (2) නොච්චියාගම විද්යා ආදර්ශ මහා විද්යාලයට 74 වැනි බස් රථය ලබා දීමේ අවස්ථාවට එක්වෙමිනි. මෙම බස් රථයෙ වටිනාකම රුපියල් ලක්ෂ 50ක් වේ.
එහි දී විපක්ෂ නායක සජිත් ප්රේමදාස මහතා වැඩිදුරටත් කියා සිටියේ ඖෂධ ගෙන්වීමෙදී ඖෂධ නියාමන අධිකාරි පනතේ 58 වැනි වගන්තියෙ සදහන් ලියාපදිංචි ටෙන්ඩර් ප්රසම්පාදන ආකාරය අමතක කර ලියාපදිංචි නොකරන ලද ඖෂධ ගෙන්වීම නිසා ගජමිතුරන් සමග විශාල කොමිස් මුදල්ලබා ගන්නා දූෂිත වැඩපිළිවෙළක් ක්රයාත්මක වන බව යි. මෙම ක්රමවේදයම විදුලි අර්බුදයක් එනවා යැයි පවසා ඉන්ධන මාෆියාව ඩීසල් මාෆියාවට පෞද්ගලික විදුලිජනන මාෆියාවට මුල් තැන දෙමින් ටෙන්ඩර්වලින් තොරව විදුලිය මිලදී ගැනීමට සූදානම් වන බවත් පැවසීය.
මේ සියලු දේවල් කරන්නෙ විදුලි බිල අවස්ථා දෙකකදී සියයට 500කින් වැඩි කරමින් බවත් එසේ වැඩි කර තිබියදී අඛණ්ඩව විදුලිය ලබා දීමට පෞද්ගලික මිල දී ගැනීම් සිදු කිරීමට අවශ්ය බවත් එසෙ නොමැති නම් අඛණ්ඩව විදුලි සැපයුම දිය නොහැකි බවට රජය පවසන බවත් පැවසූ විපක්ෂ නායකවරයා කියා සිටියේ මේ තත්ත්වය තුළ ජලය නොමැතිව උඩවලව ව්යාපාරයේ මෙන්ම මුලු රටෙම ගොවීන් අසරණ වී ඇති බව යි.
නිසි ජල කලමනාකරණයක් නොමැති වීමත් රජයට ඒ සම්බන්ධයෙන් නිසි පුරෝකතනයක් නොමැති බවත් කිසිදු අවබෝධයක් නොමැතිව ජල ගැටලුවක් ඇති බවත් ගොවින්ට ජලය දිය නොහැකි බවට කැබිනට් එක පවා තීන්දු කර ඇති බවත් විපක්ෂ නායකවරයා පැවසීය.
වත්මන් රජයට ගොවි ජනතාව ගැන කැක්කුමක් නොමැති බවත් මහපොලොව සමග ගනුදෙනු කරන ගොවි ජනතාව ගැන කැක්කුමක් රජයට නොමැති බවත් විපක්ෂ නායක සජිත් ප්රේමදාස මහතා වැඩිදුරටත් කියා සිටියේ වත්මන් රජයට පාසල් දුදරුවන්ට දිවා ආහාරය ලබා දෙන්න බැරි වුනාට සමගිජනබලවේග රජයක් යටතේ සැම පාසල් දු දරුවකුටම දිවා ආහාරය ලබා දී සුහුරු පුරවැසියකු බිහි කරන බව යි.
සමගි ජන බලවේගය සහ විපක්ෂ නායක සජිත් ප්රේමදාස මහතාගේ මූලිකත්වයෙන් සිදු කරන හුස්ම වැඩසටහන යටතේ මේ වනවිට රෝහල් 56 කට රු. 171,966,900.00ක සෞඛ්ය උපකරණත් පාසල් 73 ක් සදහා එක් පාසලකට රුපියල් ලක්ෂ 50ක් වටිනා බස් රථ 73ක් ලබා දුන් අතර ඒ සදහා රු. 354,200,000.00ක මුදලක් ද වැයකරන ලදී. එසේම සුහුරු සිසුවකු නිර්මාණය කිරීමේ අරමුණ ඇතිව සිදු කරන සක්වල වැඩසටහන යටතේ පාසල් 33කට රු. 29,033,650.00ක සුහුරු පන්ති කාමර උපකරණ ද ලබා දී තිබේ.
