ශ්රී ලංකාව තවමත් දරුණුතම ආර්ථික අර්බුදයක මුහුණපා සිටියද ජනාධිපති, අග්රාමාත්ය කාර්යාල හා අමාත්ය මණ්ඩල කාර්යාල සඳහා කිසිදු වියදම් කප්පාදුවක් කර නොමැති අතර, 2022 දී විශේෂ වියදම්’ යටතේ එම කාර්යාලය සඳහා වෙන්කර ඇති අයවැය 2023දීත් අඩුවක් නොමැතිව වෙන්කර ඇතැයි වාර්තා වේ.
මේ පිළිබඳ අනාවරණ කරන ‘ඩේලි මිරර්’ පුවත්පත පවසන්නේ ජනාධිපතිවරයාගේිවිශේෂ වියදම් ඒකකය’ සඳහා අයවැය යටතේ 2022 වසරේදී වෙන්කළ මුදල රුපියල් බිලියන 3.04ක් වන අතර, මේ වසරේදී (2023) රුපියල් බිලියන 3.88ක මුදලක් වෙන්කර ඇත. භාණ්ඩාගාර සංඛ්යාලේඛනවලට අනුව රුපියල් මිලියන 70ක් අතිකාල සහ නිවාඩු ගෙවීම් සඳහා ජනාධිපති ලේකම් කාර්යාලය වෙනුවෙන් වෙන්කර ඇති අතර, එය පසුගිය වසරේ ප්රතිපාදනවලට සමාන වේ. දේශීය හා විදේශීය සංචාර ඇතුළත් ගමන් වියදම් ලෙස රුපියල් මිලියන 86ක් වෙන්කර ඇති අතර, 2022හි ප්රතිපාදනවලට සාපේක්ෂව රුපියල් මිලියන මිලියන 60ක වැඩිවීමකි.
ජනාධිපතිවරයාගේ වාහන, යන්ත්ර සූත්ර, ගොඩනැගිලි සහ ව්යුහයන් වැනි නඩත්තු වියදම් සඳහා යටතේ 2022 වෙන්කළ රු. මිලියන 450ක මුදලම 2023 වසරේදී වෙන්කර ඇත.
අග්රාමාත්යවරයාටද මෙම විශේෂ වියදම් ඒකක කාණ්ඩය යටතේම 2023 සඳහා වෙන්කර ඇති අයවැය රුපියල් බිලියන 1.01කි. මෙය 2022 සඳහා වෙන්කර ඇති රුපියල් බිලියන 1.43ට සාපේක්ෂව සුළු අඩුවීමකි.
අතිකාල සහ නිවාඩු ගෙවීම් යන කාණ්ඩය යටතේ භාණ්ඩාගාරය අගමැතිවරයා වෙනුවෙන් රුපියල් මිලියන 40ක් වෙන්කර ඇති අතර, දේශීය හා විදේශීය ගමන් වියදම් ලෙස රුපියල් මිලියන 18ක් වෙන්කර ඇත.
වාහන, කම්හල් සහ යන්ත්ර සූත්ර, ගොඩනැගිලි සහ ව්යුහයන් සඳහා නඩත්තු වියදම් ලෙස රුපියල් මිලියන 172ක් අග්රාමාත්යවරයාට වෙන්වී තිබේ.
අමාත්ය මණ්ඩල කාර්යාලය සඳහා මහා භාණ්ඩාගාරය රු. මිලියන 263ක් වෙන්කර ඇති අතර, 2022 සඳහා වෙන්කර තිබුණේ රුපියල් මිලියන 217කි.
lankasara
