X-press Pearl නෞකාවෙන් සිදුවූ විනාශයට අප රටට ලැබීමට තිබූ වන්දි මුදල වැළැක්වීම සඳහා ලබා ගත්තා යැයි කියන අල්ලස් මුදල වාර්ෂික අයවැයෙන් සෞඛ්‍යයට වෙන් කරන මුදල් ප්‍රමාණයට සමාන බවත්, එම විපත පිළිබඳව පාර්ලිමේන්තු විවාදය ලබානොදීමට ආණ්ඩුවෙන් නොයෙකුත් උපක්‍රම ගත්තද විපක්ෂය විසින් පරාජය කළ බවත් නිදහස් ජනතා සභාවේ මහාචාර්ය ජී. එල්. පීරිස් මහතා අද පැවැති ප්‍රවෘත්ති සාකච්ඡාවකට එක්වෙමින් සදහන් කර සිටියේය.
මෙම මුදල් රැගෙන ගියේ කොතැනටද යන්න සම්බන්ධයෙන් මේ වනවිට බරපතළ ප්‍රශ්නයක් මතුව ඇති බවද ඒ මහතා කීය.
මෙම සිද්ධිය සම්බන්ධයෙන් විපක්ෂය විසින් කළ බලපෑම නිසා අකමැත්තෙන් හෝ ආණ්ඩුවට පාර්ලිමේන්තු කාරක සභාවක් පත් කිරීමට සිදුවූ බවත්, ප්‍රති-තස්ත පනත හා මහ බැංකු පනත පාර්ලිමේන්තුවට ඉදිරිපත් කිරීමට නොහැකි වූයේ විපක්ෂයේ සෘජු බලපෑම නිසා බවත් ඒ මහතා පෙන්වා දුන්නේය.
එමෙන්ම මේ වනවිට කොළඹ නගරය මිලිටරි නගරය් බවට පත්ව ඇති බවද ඒ මහතා කියා සිටියේය.
