චීනයේ නාවුක හමුදා භට කණ්ඩායමක්පසුගියදා පැසිෆික් සාගරයේ යුධ පුහුණු වැඩසටහනක් පැවැත්වූහ. එමගින් වක් බසින් (ව්යංඝාර්ථයෙන්) ලොවට නොකියා කියන අනතුරු ඇඟවීමේ පණිවුඩයක්ද තිබේ.
එනම් චීනය තම සමීප මායිම් පැන ඉන් ඔබ්බට යාමේ යටි අරමුණකින් කටයුතු කරන බවයි.
“සවුත් චයිනා මෝර්නිං පෝස්ට්” පුවත්පත පෙන්වා දෙන්නේ චීනය, ඉන්දුනීසියාව සහ පිලිපීනය යන රටවල් පසුකර නාවික සැතපුම් 6,700ක් සමුදුර තරණය කරමින් පැසිෆික් සාගරය කරා ගොස් යුධ සරඹ දැක් වූ බවයි. චීනයේ වර්තමාන හමුදාවල පවත්නා සංකීර්ණ තත්ත්වය හමුදා නිලධාරීන්ගේ සහ සෙබළුන්ගේ කැමැත්තට අභියෝගයක් බවද පුවත්පත කියයි. ඒ සා දීර්ඝ සාගර තරණයකින් පසුව කෙරෙන හරඹයෙන් අවි ආයුධ ඇතුළු උපකරණ පිළිබඳවද සාගර තරණය පිළිබඳවද ශක්තිය බලය හැකියාව ආදී යෙදවුම් පිළිබඳවද ශක්යතා අධ්යයනයක් පමණක් නොව හමුදානිලධාරීනට සහ සෙබළුනට අණදීම සහ ඔවුන් හා පැවැත්විය හැකි සම්බන්ධතා අධ්යයනයක් බවද සමාජ මාධ්ය කියයි. එපමණක් නොව මේ ක්රියාකාරිත්වය සම්බන්ධව වසර ගණනාවක් තිස්යේ යටපත්ව තිබූ අරඇඳිල්ල යළි උත්තේජනයක් බවද පෙන්වාදී ඇත.
දක්ෂිණ අණදෙන මණ්ඩලය යටතේ හමුදා භට කණ්ඩායමක් පසුගිය වර්ෂයේදී (2020) පැසිෆික් සාගරයේදී දින හතළිස්එකක අඛණ්ඩ හමුදා පුහුණු අභ්යාසයක් පවත්වා ඇත.
චීනයේ සිට පැසිෆික් සාගරයේ නාවුක සැතපුම් 14,000ක දුරකදී පවත්වා ඇති යුධ අභ්යාසයට ප්රහාරක සහ ගලවාගැනීම් පිළිබඳ යුධෝපක්රම ඇතුළත්ව ඇතැයි සමාජ මාධ්ය කියයි. චීන යුධ අරමුණු ශක්යතා වර්ධනය යනු සිය වපසරිය (බල ප්රදේශය) ව්යාප්තියයි. ඒ වෙනුවෙන් තම සමීප මුහුදු සීමා බලප්රදේශය ඉක්ම වූ විශාල සාගර ප්රදේශයක් චීනය විසින් ගවේෂණය කරනු ලැබේ. චීනයට අයත් බල ප්රදේශයෙන් ඉතා දුර බැහැර සාගරයේ යුද අභ්යාසවල යෙදීම යනු චීන නාවික හමුදාව ඒ දුර ප්රදේශයේ අණසක තහවුරු කරගැනීමයි. චීනය ගතවූ මාස කිහිපය තුළ දක්ෂිණ සහ නැගෙනහිර සාගර කලාපයේ ක්රියාකාරකම් සීඝ්රයෙනක් වර්ධනය කෙළේය.
ඒ චීනය කරා ඇමෙරිකාව දක්වන ආකල්පයට පිළිතුරු දීමක් වශයෙනි. ඇමෙරිකාවේ අරමුණු දක්ෂිණ සහ නැගෙනහිර සාගර කලාපයේ මෙහෙයුම්වල සුරක්ෂිතතාව රැකගැනීමට බවයි. එහෙත් එය නීතිරීති උල්ලංඝනය කිරීමක් බවට චීනය චෝදනා කරයි.
අර්බුදයකට තුඩුදී ඇති “සෙන්කාකු” දිවයිනට ආසන්න තම සාගර කලාපයට චීන නාවික යාත්රා එකසිය 112ක් මේ වන විට ආක්රමණය කර ඇතැයි ජපානය මේ අතර චෝදනා කරයි. ජපන් වෙරළාරක්ෂක අංශය පවසන අන්දමට පොදු සාගර සීමා කලාපයට පසුගිය සිකුරාදාද චීන යාත්රා පැමිණ “පොඩි පහේ රවුමක්” ගසා ගොස් තිබේ.
තම සාගර කලාපයට ඇතුළු වන ඕනෑම යාත්රාවකට පහර දෙන ලෙසට චීනය තම සාගරාරක්ෂකයනට නීතිමය බලතල පසුගියදා පවරා තිබේ.
චන්ද්රසේන මාරසිංහ
