චීනය නටන “නැටිලි” මඳක් සමනය කිරීමේ අරමුණින් ඇමෙරිකානු පාර්ලිමේන්තුවේ සෙනෙට් මංත්රී මණ්ඩලය හමුදා ක්රියාවලිය ප්රවර්ධනය කිරීම උදෙසා ඩොලර් බිලියන දෙසීයක් හෙවත් කෝටි විසිදාහක් පසුගියදා අනුමත කර තිබේ. ඒ ඩිමොක්රටික් සහ රිපබ්ලිකන් යන දෙපාර්ශ්වයේම ඒකාබද්ධතාවයෙනි.
යෝජනාවට ලද ඡන්ද ප්රමාණය ඩිමෝක්රටික් පක්ෂයෙන් හැටඅටක් සහ රිපබ්ලිකන් පක්ෂයෙන් තිස් දෙකකි. ඩිමොක්රටික් පක්ෂයේ මන්ත්රී බර්නි සැන්ඩර්ස් පමණක් පනතට එරෙහිව ඡන්දය ප්රකාශ කර ඇතැයි සී.එන්.එන්. ප්රවෘත්ති සේවය කියයි. පනත ක්රියාත්මක වීමට ජනාධිපති ජෝ බයිඩන්ගේ අනුමැතිය සඳහා ඉදිරිපත් කිරීමට පෙරාතුව පාර්ලිමේන්තුවේදී සම්මත වීමට නියමිතව තිබේ. ඇමෙරිකානු තීක්ෂණය විද්යාව සහ පර්යේෂණ යන ක්ෂේත්රවල ප්රවර්ධනය සඳහා ප්රතිපාදන ඉලක්ක කර ඇත.
පනත “නවෝත්පාදන සහ සමාප්ත කිරීමේ පනත” වශයෙන් නම්කෙරී ඇතැයි පනත ඉදිරිපත් කිරීමේ කණ්ඩායම් නායක සෙනෙට් මන්ත්රී “චක් ෂූමර්” පැවසුවේය.
විවිධාංගිකව චීනය ක්රියාත්මක කරන ඒකාධිපති ක්රියාමාර්ග මර්දනය කර අනාගත පරපුරට ස්වාධීනව ජීවත්වීම සඳහා අවස්ථාව උදාතරදීම පනතේ අරමුණ බව චක් ෂූමර් වැඩිදුරටත් සඳහන් කෙළේය.
යෝජනාවට පක්ෂව ඡන්දය ප්රකාශ කිරීම යනු “ආර්ථිකය ඇතුළු විවිධාංගවලින් චීනය වැනිරටවල් එල්ලකරන තර්ජනාත්මක අභියෝගවලට නොබියව හිස ඔසවා සිටීමට ඇමෙරිකාවට ශක්තිය දීම” බවද හෙතෙම ප්රකාශ කෙළේය.
චීනයට එරෙහි “ගේම” සඳහා දැනට නෙසෑහෙන කාලයකට පෙර ගෙන ඒමට උත්සාහ කළ පනත මේ තරම් කාලයක් ප්රමාද කිරීමට හේතු වූයේ රිපබ්ලිකන් පක්ෂය වරින් වර ඉදිරිපත් කළ විවිධ අන්දමේ සංශෝධන නිසාවෙනි.
පසුගිය වර්ෂයේදී අනුමත කරගැනීමේ අරමුණින් සෙනෙට් මංත්රී “චක් ෂූමර්”සෙනෙට් මංත්රී “ටෝඩි යං” සමගින් සකස් කළ පනතේ ඇස්තමේන්තුව ඩොලර් බිලියන එකසිය විස්සක් හෙවත් කෝටි fදාළොස් දහසක් විය. වාණිජ සහ බලශක්ති යන දෙපාර්තමේන්තු ජාතික ගුවන් යානා පැදවීමේ සහ අභ්යවකාශ ජාතික විදා්යා පදනම යන ආයතනවල කාර්යභාර්ය ප්රවර්ධනය සඳහා ප්රතිපාදන ඇස්තමේන්තු කර එම පනත සකස් කෙරිණි.
මෙවර සකස් කෙරුණු පනතට ජාතික විදා්යා පදනමද නවෝත්පාදන මණ්ඩලයද එක්කරනු ලැබිණි.
ගොඩනැගිලි වැනි යටිතල පහසුකම් සඳහා ඉවහල් වන්නා වූ යකඩ වානේ අමුද්රව්ය නිෂ්පාදනය කිරීමේ ව්යාපෘති වෙනුවෙන්ද සම්මත කිරීමට යෝජිත පනතින් ප්රතිපාදන ඇස්තමේන්තු කෙරී ඇත.
චන්ද්රසේන මාරසිංහ
