ඒ, ඉන්දියාවේ මංමාවත් පුරා මේ දවස්වල මහා විශාලෙට ඉදිව තිබෙන කටවුට් එකක සටහන්ව තිබෙන ස්ලෝගන් එකකි.
‘කවුද මේ කන්ගුවා? දේශපාලන විප්ලවකාරයෙක්ද?’ (Sri Lanka Latest News)
නැහැ. එය දැවැන්ත සිනමා නිර්මාණයකි. කොලිවුඩයත් බොලිවුඩයත් එකට යාකළ සියලු රසින් පිරුණු දමිළ සිනමා පටයකි. එය බෙහෙවින් සටන්කාමීය. විටෙක සරාගීය. තවත් විටෙක ප්රේමයෙන් මත්වූවක්ය. හාස්යයද අඩුවක් නැත. කෙටියෙන් කියන්නේ නම් කන්ගුවා වහා ගිනි ඇවිළෙනසුලු ආශ්වාදනීය වශීකරණයකි.
බොලිවුඩයත් කොලිවුඩයත් මැදිකරගත් රසවත්ම මසාලාවක්ද වූ ‘කන්ගුවා’ සිනමා පටයට කොලිවුඩයෙන් තිබුණු කාන්තිමත් ඇස් තියෙන සූර්යා ප්රධාන චරිත අතර එකකි. බොලිවුඩයේ සරාගීම නිළි කෙල්ලන් අතර එකියක වූ දිශා පටානි ‘කන්ගුවා’හි ප්රධාන ස්ත්රී චරිතයට මැදිව ඇත. සනී ඩියෝල්ගේ පුත් මනා කඩවසම් දේහධාරී රූපකායක් හිමි බොබී ඩියෝල් දුෂ්ටයාගේ චරිතයට පණ පොවයි.
නොවැම්බර් මුල් සති දෙක පුරා ‘කන්ගුවා’හි රඟන සුපිරි තරු මංමාවත් පුරා කන්ගුවා වෙනුවෙන් වීදි සංචාරයේ යෙදෙන්නට කතිකා කරගෙන ඇත්තේ එහි නිෂ්පාදන මෙහෙවර වෙනුවෙන් උරදෙන ‘ග්රීන් සහ යුවී’ ක්රියේෂන් සමාගමේ අනුග්රහය මත මෙන්ම එහි නිර්මාණකරු ‘සිව’ගේ ආරාධනය මතය.
‘දිශා පටානිත් එනවද? එයා ටිකක් ලොකු සීන් නොවැ…’
පුල පුලා බලා ඉන්න රසික රසිකාවියෝ එකී ආරංචිය සෝෂල් මීඩියාවල වයිරල් වෙනකොට එහෙම අහල තිබුණලු.
අනිවාර්යයෙන්ම දිශා එනවා. කන්ගුවා ප්රචාරයට ඈ හරිම උනන්දුයි. ඒකට හේතුව කෝටි ප්රකෝටි ගණන් වැය කළ මේ සිනමා නිර්මාණය ඇයට මහා ආඩම්බරයක්ලු. ඒ ආඩම්බරයටත් හේතුවක් තියෙනවා. ඒ ඕපාදූපය ගියේ මෙහෙමයි. ‘කන්ගුවා ටේ්රලරයත් එක්ක දිශා රඟන Yolo සින්දුව ප්රචාරය වුණා. ඒ සින්දුව නිසාම මිලියන ගණන් පිරිස කන්ගුවා ටේ්රලරය ආයෙ ආයෙ බලන්න ගත්තලු. හැබැයි දිශා පටානි නම් Yolo සින්දුව ගැන ටිකක් අමනාපෙන් ඉන්නවා. ඒ තවත් හේතු පාඨයක් සහිත කතාවක්.
ඒ හේතු පාඨය මොකක්ද?
Yolo සින්දුවේ සමහර සීන් රැඟුම් පාලක මණ්ඩලයේ කතුරට කැපිලා ගියාලු. මොකද කියනවා නම් සූර්යා සමග දිශා රංගනයෙන් දායක වන ඒ දර්ශන පමණට වැඩිය සරාගී බවින් අනූනයිලු. කොහොමත් ‘කන්ගුවා’ දිශාගේ සිනමා ජීවිතයේ ලොකු පෙරළියක් වන බව විචාරකයෝ කියනවා. දකුණු ඉන්දියාවේ ලස්සන නිළි කෙල්ලන් ඉන්න එකේ මේ අති දැවැන්ත නිෂ්පාදනයට දිශා පටානිව ගත්තේ ඇයි කියලා දන්නවද? අධ්යක්ෂ ‘සිවා’ ඒ ප්රශ්නය අහන අයට මෙහෙම කිව්වලු.
‘සූර්යාගේ තියුණු ඇස් දෙකට හරියන ගින්දර ඇස් තියෙන කෙල්ලක්වයි මම කන්ගුවාට හෙව්වේ. ඒ හොයන අතර මට මුලින්ම ඔළුවට ආවේ දිශා පටිනිගේ සරාගී ඇස්දෙක තමයි…’
‘සිව’ කී කතාව ඇත්තය. ‘කන්ගුවා’ තිරගත වීමටත් පළමුව රසික රසිකාවන්ගේ හිත්වලට ආශ්වාදයේ ගින්න අවුළුවා ඇත. ඒ ගින්නෙහි සුවිශේෂ පංගුකාරිය සරාගී දිශාය. කන්ගුවා නිසා දිශා වගේම සූර්යාද ගිවිසුම් අස්සන් කිරීමට නියමිතව තිබූ නිර්මාණ කිහිපයක් රිජෙක්ට් කොට තිබිණි.
‘කන්ගුවා’ හින්දි, දමිළ, මලයාලම්, තෙළිඟු, ප්රංශ, ස්පාඤ්ඤ, ඉංග්රීසි ඇතුළු භාෂා 10කින් මෙහෙයවා ඇත. වැයවූ මුදල් සම්භාරය ගැන ගණන් බැලීමටද ‘ග්රීන් සහ යුවී’ ක්රියේෂන් සමාගම වෙහෙස වන්නේ නැති තරම්ය.
නිසැකවම ‘කන්ගුවා’ ඉන්දීය සිනමාව මනමෝහනීය ගින්නකින් විකසිත කරනු ඇත.
දමයන්ති රේණුකා ප්රනාන්දු
