සර්කස්කාරයෝ එකේ රඟන්න ඇවිදින් හිතුවටත් වැඩිය ජනප්රිය වුණු සර්කස්කාරිව මතකයිද? (Sri Lanka Latest News)
කොහොමද එයාව අමතක කරන්නේ? මේ දවස්වල මීමැස්සා එක්ක පෙරළිකාර රංගනයක ඉන්නෙත් ඒ සර්කස්කාරිම තමයි.
ඈ දසුනි නවෝද්යා. දසුනිගේ දසුන හරිම සිත්කලුයි. කොයි වෙලෙත් ඇය හිනාවීගත්ත ගමන්මයි කියලා සෙට් එකේ හැමෝම කියනවලු.
කොයි සෙට් එකේ අයද එහෙම කියන්නේ?
එකක් කියලා නෑ. ඇය ෂූටින්වලට බහින හැම සෙට් එකකම කට්ටිය එහෙම කියනවලු. හැම සෙට් එකකම කිව්වට දසුනි ටෙලි කීයක රඟපානවද?
හිතුවට වැඩිය දසුනි ජනප්රිය වුණා කිව්වේ ඒකයි. මේ දවස්වල ඈ ටෙලි 3ක 4ක රඟපානවා. ඒ ස්වාධීන රූපවාහිනියේ රොන්, සිරසේ මීමැස්සා, ස්වර්ණවාහිනියේ රොකී. ඒ ටෙලිවලින් ඈ ගැන වැඩිපුරම කතාබහට ලක්වෙන්නේ මීමැස්සා ටෙලියේ මාධ්යවේදිනියගේ චරිතයලු.
දැන් දැන් හෝගාන සද්දෙට ටෙලිවල චරිත කෙරුවට පළමු ටෙලියේ හාහාපුරා කියලා රඟපාන්න ගියාම ‘අයියෝ මට මේක කරන්න බැරිවෙයි’ කියාගෙන ගෙදර ආපු මේ යොවුන් සර්කස්කාරිය ‘ආයෙ නම් කවදාවත් රඟපාන්න යන්නේ නැහැ’ කියලා හිතට පොරොන්දුවක් දුන්නලු එදාම.
ඒත් දෛවය ඇයව කොහොම හරි නිළියක් කරලම තමයි පස්ස බැලුවේ. ඒකටත් හේතු තියෙනවා. එහෙම කිව්වේ ඈ හීන තුනක දවස ගෙවපු සුන්දර තරුණ කෙල්ලක් නිසයි.
මොනවද ඇගේ ඒ හීන?
කවදාක හරි මම නිළියක් වෙනවා, එහෙම නැත්නම් රූප සුන්දරී තරගයකට ගිහින් වින් කරනවා. ඒකත් බැරිවුණොත් ප්රසන්ටර් කෙනෙක් වෙනවා.
ඉතින් මොකද වුණේ?
මොනවා වෙන්නද? ඒක හීනයක් නෙවෙයි දසුනි ඒ හීන තුනම හැබෑ කරගෙන ඉවරයි.
සෝෂල් මීඩියාවල කතාබහකට එන හැම වතාවකම වාගේ දසුනි කියනවාලු ‘කවදාවත් හීන අතහරින්න එපා…’ කියලා.
දමයන්ති රේණුකා ප්රනාන්දු
