සීමා මායිම් බිඳින්න හදන ‘මායාරාජිණී’

මේ දිනවල ආණමඩුව – පරමාකන්ද අවට ප්‍රදේශයට ඇදහැලෙන තරු වැස්සකින් “මායාරාජිණී” හැඩවැඩ වෙන අයුරු අපට දැකගන්නට ලැබුණා. මෙයට පෙර ඔබට තිළිණ කළ “කවුරුන්ද නුඹ මගේ,” “දංකුඩ බණ්ඩා” ටෙලි නාට්‍ය නිර්මාණය කළ ප්‍රියන්ත ශ්‍රී සමරකෝන්ගේ නවතම ටෙලි සිතුවම “මායාරාජිණී.”
අපේ දේට අපේකමට උරුමකම් කියන මායාරාජිණී ටෙලි නාට්‍ය අද පවතින ටෙලි නාට්‍ය රැල්ල අබිබවා යන එකක් වනු ඇති බව බොහෝ දෙනාගේ විශ්වාසයයි. නුදුරු දිනයකදීම ඔබට වෙනස්ම අත්දැකීමක් විඳිය හැකි මෙය “ප්ලස් වන්” ආයතනයේ නිෂ්පාදනයකි. මෙයට කලා ක්‍ෂේත්‍රයේ ජනප්‍රිය රංගන ශිල්පීන් රැසක් දායක වෙයි.
තුසිත් ලක්නාත්, අංජිලි ලියනගේ, මේනක රාජපක්‍ෂ, සුමුදු ප්‍රසාදනී, හර්ෂ තෙන්නකෝන්, මොරින් චාරුණි, චමිර ලියනගේ, උදයන්ති කුලතුංග, ජනක ප්‍රේමලාල්, සමන්ත කේ. ගමගේ, මහේෂ උයන්වත්ත, දිමුතු චින්තක, සොලමන් ඩයස් ඇතුළු ශිල්පීන් රැසක් “මායා රාජිණී” සමඟ අත්වැල් බැඳගෙන ඇත. මායාරාජිණී කැමරාවට හසුකර ගත්තේ මහේෂ් රුවන් පතිරණය. හැඩවැඩ ගැන්වීම් සමිර මධු කිදෙල්පිටියගෙනි. කලා අධ්‍යක්‍ෂණය සම්පත් වන්නිආරච්චිගෙනි. සහාය අධ්‍යක්‍ෂණයෙන් වසන්ත අමරසිංහ දායක වන අතර, කේ. බී. හේරත් තිර රචනයෙන් දායක වෙයි.
වසන්ත විතාරණගේ