ටෙලි රැල්ල වෙනස් කරන්න ‘ක්වීන්’ ඇවිත්

ප්‍රවීණ ටෙලි නාට්‍ය අධ්‍යක්‍ෂ සුපුන් රත්නායකගේ නවතම ටෙලි සිත්තම “ක්වීන්” මේ දිනවල ස්වර්ණවාහිනී නාලිකාව ඔස්සේ විකාශනය වෙයි. රට, ජාතිය, ආගම ගැන මහත් ඇල්මකින් කතා කරමින් සුචරිතවත් දේශපාලන චරිතයක් ලෙස සමාජය ඉදිරියේ පෙනී සිටින හර්ෂදේව ලිහිණිකඩුව නමැති පාර්ලිමේන්තු මන්ත්‍රිවරයා රහසේ පවත්වාගෙන යනු ලබන වධකාගාරයක් තුළදී ඔහු මරා දමන ලද පුද්ගලයන් පිළිබඳව රහසේ කරුණු සොයමින් අන්තරාකාරී ප්‍රයත්නයක යෙදෙන සුරූපී තරුණියකගේ ක්‍රියාදාමයන් පිළිබඳ කතා කරන ටෙලි නාට්‍යයක් වන “ක්වීන්” කුතුහලය, ත්‍රාසය එක් කරමින් ප්‍රේක්‍ෂකයාට පෙර නොවිඳි හරවත් වින්දනයක් ලබා ගැනීමට ඉඩ සලස්වා ඇත.
ශලනි තාරකා, මේනක රාජපක්‍ෂ, ක්ලීටස් මෙන්ඩිස්, ධර්මප්‍රිය ඩයස්, කුමාර ජයකාන්ත, දීපානි සිල්වා, ගයාත්‍රි ඩයස්, චමීර ලියනගේ, පියුමි ශ්‍රී නායක, පූජන දන්දෙණිය, දිලුක්‍ෂි වීරපෙරුම ඇතුළු පිරිසක් රංගනයේ යෙදෙන මෙහි කැමරා අධ්‍යක්‍ෂණය කපිල සුගත් සහ සුමිත් කුමාරගේ විසිනි. කලා අධ්‍යක්‍ෂණයෙන් ගාමණී එස්. ප්‍රතාපගේ, අංග රචනයෙන් තිලංක මධුසර ගුණරත්න, සංස්කරණයෙන් නුවන් සිංහාධිපති, සංගීත අධ්‍යක්‍ෂණයෙන් උදාර සමරවීර, තේමා ගීත ගායනයෙන් උපේකා ද සිල්වා, නර්ථන අධ්‍යක්‍ෂණයෙන් ලලිත් පැරකුම්ද එක්ව ඇත. කාවින්ද මලවිආරච්චි, ප්‍රියනාත් විදාන පතිරණ, තිලංක ඇලෙක්සැන්ඩර් එක්ව තිර රචනය කරන ලද “ක්වීන්” ටෙලි නාට්‍ය ජනක සම්පත් තඹරවිලගේ නිෂ්පාදනයකි.