කොළඹ කටුනායක අධිවේගී මාර්ගයට අපද්රව්ය බැහැර කළ පුද්ගලයෙකු අත්අඩංගුවට ගෙන තිබෙනවා.Sri Lanka Latest News
ඒ අධිවේගී මාර්ග පොලිස් කොට්ඨාසයේ සීදුව අනුපාලක ස්ථානයේ නිලධාරීන් විසින්
කොළඹ කටුනායක අධිවේගී මාර්ගයේ L 19Km කණුව ආසන්නයේදී කටුනායක දෙසට ධාවනය වූ මගීන් පිරිසක් රැගත් වෑන් රථයක රියදුරෙකු විසින් අපද්රව්ය සහිත බෑගයක් අධිවේගී මාර්ගයට විසිකර තිබෙනවා.
ඒ බව ජංගම සංචාර රාජකාරී කළ පොලිස් නිලධාරීන් නිරීක්ෂණය කර තිබෙන අතර ඒ අනූවයි අත්අඩංගුවට ගෙන ඇත්තේ.
මංමාවත් පනත යටතේ මාර්ගයට කුණු කසළ බැහැර කිරීමේ චෝදනාව මතයි සැකකරු අත්අඩංගුවට ගෙන තිබෙන්නේ.
සැකකරු සීදුව පොලිස් ස්ථානයට ඉදිරිපත් කර තිබෙනවා.
සැකකරු අවුරුදු 35ක් වන යාපනය අල්වායි ප්රදේශයේ පදිංචිකරුවෙක් වන අතර ඔහු හෙට මීගමුව මහේස්ත්රාත් අධිකරණයට ඉදිරිපත් කිරීමට නියමිතයි.
මාර්ග සංවර්ධන අධිකාරිය මගින් දෛනිකව නඩත්තු කටයුතු සිදු කරනු ලබන මහජනතාවට සුව පහසුවෙන් ගමන් කිරීම සඳහා ඉදිකර ඇති මෙම අධිවේගී මාර්ගවල ගමන් ගන්නා රියදුරන්ගේ හා මගීන්ගේ ආරක්ෂාව සඳහා පොලිසිය නිරන්තරව කටයුතු කරනවා.
එමෙන්ම දැනුවත් කිරීම් පුවරු සවි කිරීම්, වේගසීමා සඳහන් කිරීම් ඇතුළු විවිධ ක්රියාමාර්ග ගනිමින් රියදුරන්ගේ හා මගීන්ගේ දැඩි ආරක්ෂාව සඳහා හැකි උපරිම දායකත්වයක් ලබා දෙමින් මාර්ග සංවර්ධන අධිකාරිය හා ශ්රී ලංකා පොලිසිය කටයුතු කළද මෙවැනි ක්රියා හේතුවෙන් මාර්ගයේ පිරිසිදු භාවයට මෙන්ම ධාවනය වන අනෙකුත් වාහනවල මගීන්ගේ ආරක්ෂාවට දතර්ජනයක් සිදුව තිබෙන බව පොලිසිය පවසනවා.
එවැනි අවිනීත රියදුරන් අත්අඩංගුවට ගෙන නීතිමය ක්රියාමාර්ග ගැනීම සඳහා පොලිසිය තවදුරටත් කටයුතු කරමින් සිටිනවා.
