පසුගිය දා සම්මත වූ දූෂණ විරෝධී පනතේ අඩුපාඩුවක් නිසා එම පනත හරියට ක්රියාත්මක කළ නොහැකි බවත් එය පනතේ දක්නට ලැබෙන මූලික ම අඩුපාඩුවක් බවත් විපක්ෂ නායක සජිත් ප්රේමදාස මහතා අද (3) පාර්ලිමේන්තුවේ දී පැවසීය.Sri Lanka Latest News
දූෂණ විරෝධි පනතේ 3(1) වගන්තියේ සදහන් කොමිසමත් එහි සංයුතිය සම්බන්ධයෙන් 4 (1) වගන්තියේ ඇති බවත් එම පත්කිරීම් සිදු කරන්නේ ව්යවස්ථා සභාවේ අනුමැතිය සහිතව ජනාධිපතිවරයා වුවත් මෙම පනත සකස් කිරීමේ දී සිදු වූ දෝෂයක් නිසා එම බලය ව්යවස්ථා සභාවට අහිමි වී ඇති බවත් විපක්ෂ නායකවරයා පැවසීය.
ආණ්ඩුක්රම ව්යවස්ථාවේ ‘ව්යවස්ථාදායක සභාව’ යනුවෙන් පැවතියත් මේ පනතේ ස්ථාන 11ක ඇත්තේ ‘ව්යවස්ථාදායක මණ්ඩලය’ යනුවෙන් බවත් ඉංග්රීසි පිටපත හා සිංහල පිටපත අතර පරස්පරයක් ඇති විට වලංගු වන්නේ සිංහල පිටපත බැවින් මෙහි හරියට එම වචනය සදහන් නොවීම තුළ ව්යවස්ථාදායක සභාවට එම කොමිසමට අදාල සාමාජිකයන් පත් කිරීමට නොහැකි වී ඇති බවත් විපක්ෂ නායකවරයා මෙහි දී අවධාරණය කළේය.
අයි. එම්. එෆ් එක මහපරිමාන දූෂණ ඉහවහ ගොස් ඇතැයි පැවසූ අවස්ථාවක මේ වරද කඩිනමින් නිවැරදි විය යුතු බවත් විපක්ෂ නායකවරයා මෙහි දී පැවසීය.
