එක්සත් ජාතීන්ගේ මානව හිමිකම් කවුන්සිලයේ වැඩබලන කොමසාරිස්වරිය වන නාදා අල් නශීෆ් අද (12) ශ්රී ලංකාව පිළිබඳ වාර්තාවක් එම කවුන්සිලයේ සමාරම්භක සැසියට ඉදිරිපත් කළා.
එම වාර්තාවෙන් ඇය පෙන්වාදෙන්නේ, මානව හිමිකම් ප්රවර්ධනයට සහ සංහිඳියාව ඇති කිරීම සඳහා අවශ්ය සාකච්ඡාව ඇති කිරීමට කැපවී කටයුතු කරන ලෙස තමා නව රජය දැනුම්දෙන බවයි.
විශේෂයෙන්ම අගෝස්තු 18 වනදා ශිෂ්ය ක්රියාකාරී නායකයින් තිදෙනෙක් අත්අඩංගුවට ගෙන රඳවා තබාගැනීම සඳහා ත්රස්තවාදය වැළැක්වීමේ පනත යොදාගැනීම කනගාටුවට කරුණක් බව නාදා අල් නශීෆ් පැවසුවා.
එසේම ආයතනික වශයෙන් වෙනස්කම් සිදුකිරීම, ප්රජාතන්ත්රවාදයේ සහ ආරක්ෂක අංශ වල ප්රතිසංස්කරණ වැදගත් බවත් ඇය පෙන්වා දෙනවා.
විශේෂයෙන්ම වැරදිකර ඇති අයට නිසි දඬුවම් ලබාදීම සඳහා ප්රධාන වශයෙන් වැදගත් වන ආයතන වල ස්වාධීනත්වය ඇතිකළ යුතු බවද ඇය සභාගත කළ වාර්තාවේ සඳහන්.
එහිදී අදහස් දැක්වූ එක්සත් ජාතින්ගේ මානව හිමිකම් කවුන්සිලයේ වැඩබලන මානව හිමිකම් මහකොමසාරිස් නාඩා අල් නෂීෆ්
“අපේ අවධානයට යොමුවී ඇති කරුණක් වන්නේ පසුගිය සති කිහිපය තුළ විරෝධතා ව්යාපාරයේ සහ වෘත්තීය සමිතිවල නායකයින් රැසක් අත්අඩංගුවට ගැනීම පිළිබඳවයි. පසුගිය 18වනදා එවැනි ශිෂ්ය නායකයින් තිදෙනෙකු අත්අඩංගුවට ගැනීම සඳහා ත්රස්තවාදය වැළැක්වීමේ පනත යොදා ගැනීමට සැබැවින්ම කණගාටුවට කරුණක්. ත්රස්තවාදය වැළැක්වීමේ පනත ක්රියාත්මක කිරීම අත්හිටුවීමේ ක්රියාමාර්ගයක් පසුගිය මාර්තු මාසයේ සිට ක්රියාත්මක කරන බව රජය ප්රකාශයක් කර තිබියදී එය සිදු කිරීම විශේෂයි.මෙම පීඩාකාරී ආරක්ෂක නීතිමත රඳා පැවැත්මෙන් ඉවත්වන ලෙද මම රජයෙන් ඉල්ලා සිටින්න කැමතියි. එමෙන්ම ත්රස්තවාදය වැළැක්වීමේ පනත වෙනුවට නව ත්රස්තමර්දන නීති කෙටුම්පතක් සැකසීම සහ සංක්රාන්ති යුක්තිය ඉටුකරලීම මෙන්ම ආයතනය ශක්තිමත් කරලීම ඇතුළු කරුණු සම්බන්ධයෙන් ද ලක්රජය සමග මම සාකච්ඡා කළා. මෙම කරුණු සාර්ථක කරගැනීම සඳහා අතීතයට විරාමයක් ලබාදීම අවශයයි. මෙය ආරක්ෂක අංශයේ ප්රතිසංස්කරණ මෙන්න පසුගිය මානව හිමිකම් උල්ලංඝනයවීම්වලට සම්බන්ධ චෝදනා ලැබූ සියලු හමුදා සහ සන්නද්ධ නායකයින් ඉවත් කිරීම සහ විනිවිදභාවයක් සහ වගවීමක් ඇතිකිරීම අවශ්ය වනවා.”
