TECNO CAMON 17 දුරකතන දැන් ශ්‍රී ලංකාවේ

ලොව පුරා වේගයෙන් ජනප්‍රිය වෙමින් පවතින ස්මාර්ට්ෆෝන් සන්නාමයක් වන TECNO හි නවතම මාදිලිය වන TECNO CAMON 17 පසුගියදා ශ්‍රී ලංකාවට නිලවශයෙන් හඳුන්වා දෙන ලදී. අඩු ආලෝක තත්ත්වයන් යටතේ පවා විශිෂ්ට මට්ටමේ ඡායාරූප ලබාදෙන TECNO AI Vision Optimization Solution (TAIVOS) තාක්ෂණය මීට ඇතුළත් වී ඇත. එමෙන්ම මෙහි සෙල්ෆි කැමරාව, වෙළෙඳපොළේ වඩාත්ම පැහැදිලි ඡායාරූප ලබාදෙන සෙල්ෆි කැමරාව ලෙසද සැලකේ. එහි සන්නාම තානාපති ලෙස කටයුතු කරනුයේ සුපිරි හොලිවුඩ් නළු ක්‍රිස් එවන්ස් ය.

CAMON 17 මාදිලිය හඳුන්වාදීමේ උත්සවය පසුගිය ජූලි 16 දින පැවැත්වුණු අතර එය TECNO නිල සමාජ මාධ්‍ය ඔස්සේ විකාශය කරන ලදී. ජනප්‍රිය රංගන හා නිරූපණ ශිල්පිනී රොෂෙල් රොජර්ස්, සිනමාත්මක නිර්මාණ ශිල්පී CJ සහ තාක්ෂණ ලොවේ ජනප්‍රිය තරුවක් වන චානුක්ස් බ්‍රෝ ඇතුළු තරු රැසක්ද මීට එක්වූහ. TECNO CAMON 17 මාදිලියට අමතරව SPARK 7, SPARK 7 PRO, CAMON 17 PRO සහPOVA 2 යන මාදිලිද මෙහිදී හඳුන්වා දෙන ලදී.