නිර්මාණකරුවන් සඳහා ශ්‍රී ලංකාවේ පළමු නායකත්ව සහ නවෝත්පාදන වැඩසටහන!

Good Life X (GLX) විසින් he Creative Catalyst Fellowship (CCF) අද Trace Expert City දියත් කරන බව නිවේදනය කළේය.

එක්සත් ජනපද රජයේ සංවර්ධන හස්තය – ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID) විසින් අරමුදල් සපයනු ලබන මෙම වැඩසටහන, සමාජ ගැටලු සඳහා නව්‍ය විසඳුම් සොයමින්, දැනුවත් කිරීම, සම්පත් බලමුළු ගැන්වීම සහ ධනාත්මක වෙනසක් සඳහා පෙනීසිටීමට නිර්මාණකරුවන්ගේ බලය උපයෝගී කරගනී.

USAID ශ්‍රී ලංකා සහ මාලදිවයිනේ පාලන හා අවදානමට ලක්විය හැකි ජනගහනය පිළිබඳ කාර්යාලයේ අධ්‍යක්ෂ Asta Zinbo, ආරම්භක අදහස් දක්වමින්, ‘ශ්‍රී ලංකාව, කලාපය සහ ලෝකය අපගේ දේශගුණය සහ පරිසරය ආරක්ෂා කරන්නේ කෙසේද වැනි සංකීර්ණ ගැටලුවලට මුහුණ දී සිටී. අපට නව විසඳුම් අවශ්‍යයි. ධනාත්මක වෙනස්කම් ඇතිකිරීම සඳහා නිර්මාණාත්මක විසඳුම් සංවර්ධනය කිරීමට සහ මහජන දැනුවත් කිරීම සඳහා ඔවුන්ගේ නිර්මාණ ශක්තිය යොමුකිරීමට විවිධ පසුබිම්වලින් පැමිණි මෙම පළමු කණ්ඩායමට සහයෝගය දැක්වීමට අපි ඉතා සතුටට පත්වෙමු. ක්‍රියේටිව් කැටලිස්ට් සාමාජිකත්වයේ ප්‍රතිඵල ලබන වසරේ දැකීමට අපි උනන්දු වෙමු…’

ප්‍රියන්ත හෙට්ටිගේ